Ole Brandt

Ole Brandt (4. januar 1818–4. august 1880) var ein norsk gardbrukar, kyrkjesongar, ordførar og stortingsmann frå Vestre Slidre i Oppland.

Ole Brandt
Fødd	4. januar 1818 Vestre Slidre kommune
Død	4. august 1880 (62 år)
Statsborgar av	Noreg
Yrke	politikar, bonde
Alle verv	stortingsrepresentant (1859–1861) ordførar i Vestre Slidre vararepresentant til Stortinget (1857–1858) stortingsrepresentant (1862–1864) stortingsrepresentant (1868–1870) vararepresentant til Stortinget (1871–1873) vararepresentant til Stortinget (1874–1876) stortingsrepresentant (1877–1879)

Brandt var son til ein kyrkjesongar og gardbrukar i Vestre Slidre. Han vart seminarist frå Asker i 1837 og tok to år seinare over som kyrkjesongar i heimbygda og skaffa seg garden Løken. Brandt var ordførar i Vestre Slidre 1849-55 og frå 1860. Dessutan var han medlem av forlikskommisjonen og formann for sparebanken frå 1868.

Brandt representerte Kristians amt på Stortinget 1859-64, 1868-69 og 1876-79. Han var 1859-60 medlem av justiskomite nr 1, 1862-63 av kyrkjekomite nr 2, 1868-69 av Lagtinget og kyrkjekomite nr 1. I 1876 møtte han som 1. varamann frå 25. mars, medlem av tollkomiteen. Heldt 1877-79 fram i denne komiteen som 4. representant frå amtet, også medlem av Lagtinget.

Han døydde på garden sin i Vestre Slidre i 1880.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Ole Brandt NSD Norsk senter for forskningsdatas politikararkiv