Ole Erik Almlid
Ole Erik Almlid (fødd 1. desember 1969) er ein norsk næringslivsdirektør, tidlegare kommunikasjonsdirektør, avisredaktør og journalist. Sidan 2018 har han vore administrerande direktør i Næringslivets Hovedorganisasjon (NHO).
| Ole Erik Almlid | |
.jpg) | |
| Statsborgarskap | Noreg |
| Fødd | 1. desember 1969 (54 år) Malm i Verran |
| Far | Kolbjørn Almlid |
Karriere
endreAlmlid har ei utdanning frå Norsk journalisthøgskole, forutan studium i statsvitskap og psykologi. Han har vore nyhenderedaktør, nettredaktør og sjef for politisk redaksjon i Aftenposten, sjefsredaktør i Østlendingen og Hamar Dagblad, sjefredaktør og dagleg leiar i Avisenes Pressebyrå, politisk redaktør og konstituert sjefredaktør i Trønder-avisa. Han har òg vore journalist i ei rekkje aviser. I 2013 vart Almlid kommunikasjonsdirektør i NHO. Frå 1. januar 2016 vart han viseadministrerande direktør i same organisasjon.[1][2][3] Dinest, vart han administrerande direktør i NHO den 18. desember 2018.[4] Almlid sit i fleire styre, mellom anna i styret i Norges Varemesse, Civita og Ungt Entreprenørskap (UE).
Ole Erik Almlid er son av Kolbjørn Almlid, tidlegare fylkesordførar i Nord-Trøndelag.
Ole Erik var i yngre år aktiv i Senterungdommen, mellom anna som medlem av sentralstyret.[5]
Almlid har vore open på at han har cerebral parese.[6]
Kjelder
endre- ↑ «Ole Erik Almlid». NHO.
- ↑ Aldra, Simon (20. juni 2013). «Ole Erik Almlid ny NHO-direktør». Trønder-Avisa. Arkivert frå originalen 12. april 2016. Henta 12. april 2016.
- ↑ «Ole Erik Almlid (43)». Journalisten. 20. juni 2013. Arkivert frå originalen 25. juni 2013.
- ↑ «Ole Erik Almlid blir ny NHO-sjef». www.nho.no (på norsk). Henta 18. desember 2018.
- ↑ «Ole Erik Almlid» i Store norske leksikon, snl.no.
- ↑ «Helt sjef», emagasin-loaktuelt.lomedia.no (på norsk bokmål), henta 16. mars 2024
- Denne artikkelen bygger på «Ole Erik Almlid» frå Wikipedia på bokmål, den 16. mars 2024.
Bakgrunnsstoff
endre- «Ole Erik Almlid». NHO.