Ole Glambeksson Fuglestvedt

Ole Glambeksson Fuglestvedt (4. mars 1843–9. august 1902) var ein norsk lærar, gardbrukar, ordførar og stortingsmann frå Øyslebø i Vest-Agder.

Ole Glambeksson Fuglestvedt
Fødd	4. mars 1843
Død	9. august 1902 (59 år)
Statsborgar av	Noreg
Yrke	politikar
Alle verv	stortingsrepresentant (1900–1903) vararepresentant til Stortinget (1886–1888) vararepresentant til Stortinget (1892–1894) vararepresentant til Stortinget (1895–1897) vararepresentant til Stortinget (1898–1900)

Fuglestvedt var seminarist frå Holt seminar i 1861. Same året byrja han som lærar i heimbygda, i tillegg var han kyrkjesongar frå 1863. År 1873 vart han tilsett som lærar og kyrkjesongar i Nes og Flekkefjord. Seinare, 1881-96, var han styrar av Lister og Mandals amt sin jenteskule.

Fuglestvedt var direktør for Nes Sparebank 1876-91 og forlikskommissær i Nes. Han var ordførar i Nes heradsstyre 1879-91, sidan ordførar i Øyslebø 1896-1901.

Etter å ha kome på varamannsplass under tre påfylgjande stortingsval, vart Fuglestvedt kåra til 4. representant for Lister og Mandals amt for perioden 1900-03. Han var medlem av kyrkjekomiteen.

I 1891 tok Fuglestvedt over farsgarden og dreiv denne sidan. Han omkom sommaren 1902 i ei ulukke på garden sin, «drebt af en okse».

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Klokkarbok for Øyslebø 1882-1908

Bakgrunnsstoff

• Katalog til arkiv etter Ole Glambeksson Fuglestvedt hjå Statsarkivet i Kristiansand