Ole Johan Olsen

Ole Johan Olsen (6. desember 1884–31. mai 1939) var ein norsk hamne- og transportarbeidar frå Kristiansand som representerte Arbeidarpartiet på Stortinget i tida 1928-39.

Ole Johan Olsen
Statsborgarskap	Noreg
Fødd	6. desember 1884 Kristiansand kommune
Død	31. mai 1939 (54 år)
Yrke	politikar
Politisk parti	Arbeidarpartiet

Olsen var son til ein brannkonstabel. Frå 1898 arbeidde han i ei fiskeforretning i heimbyen. Deretter var han losse- og lastearbeidar frå 1910. Han var så forretningsførar for hamnearbeidarane i Kristiansand frå 1920 til han døydde.

Frå 1913 til 1937 var Olsen vedvarande medlem i formannskapet i Kristiansand. Han var elles formann i to år, og medlem av hovudstyret i Norsk Transportarbeiderforbund frå 1915. Hausten 1927 vart han vald til stortingsrepresentant frå valkrinsen Kristiansand, Mandal, Flekkefjord, Stavanger og Haugesund, og sidan attvald tre gongar, heile tida for Arbeidarpartiet. I tida 1928-39 var han då på Tinget medlem 1928-30 i Post- og telegrafkomiteen, 1931-33 i Veg- og jarnbanekomiteen og frå 1934 til han døydde i Post-, telegraf- og kystfartskomiteen.

Kjelder

• Stortingsbiografi Arkivert 2019-12-20 ved Wayback Machine.