Ole Konrad Ribsskog
Ole Konrad Ribsskog (8. desember 1865–26. januar 1941) var ein norsk skulemann og politikar som representerte Arbeidarpartiet på Stortinget valbolken 1913-15.
| Ole Konrad Ribsskog | |||
.jpg) | |||
| Fødd | 8. desember 1865 Flatanger | ||
|---|---|---|---|
| Død | 26. januar 1941 (75 år) | ||
| Statsborgar av | Noreg | ||
| Parti | Arbeidarpartiet | ||
| Yrke | politikar, overlærar | ||
| Verv | Ordførar i Trondheim 1917–1919 | ||
| Føregangar | Odd S. Klingenberg | ||
| Etterfylgjar | Einar Dahl | ||
| Alle verv |
| ||
Ribsskog var son til ein gardbrukar i Flatanger i Nord-Trøndelag. Han vart utdanna lærar frå Klæbu seminar i 1887, og arbeidde som lærar og kyrkjesongar i Flatanger, Spydeberg og Drøbak til han i 1893 vart tilsett ved folkeskulen i Trondheim. Frå 1918 var han skuleinspektør i Trondheim kommune. Han var medforfattar til Trondhjems folkeskoles historie 1754-1911.
Ribsskog var perioden 1913-15 innvald på Stortinget frå valkrinsen Bakklandet i Trondheim. Åra 1917–19 var han den fyrste Arbeidarparti-ordføraren i Trondheim, medlem av formannskapet var han frå 1907. Han var medlem av den statlege Skulekommisjonen av 1920. Ved kløyvinga av Arbeidarpartiet i 1921 melde han seg inn i Norges Socialdemokratiske Arbeiderparti, og var med i det partiet til partisamlinga i 1927.
Kjelder
endre- Lindstøl, Tallak: Stortinget og Statsraadet 1814-1914. Kristiania, 1914
- Norsk Allkunnebok. IX. Bandet. 1959
- Biografisk informasjon om Ole Konrad Ribsskog NSD Norsk senter for forskningsdatas politikararkiv