Ole Olsen Aaset
Ole Olsen Aaset (25. mars 1767–22. mai 1825) var ein norsk gardbrukar, trelasthandlar, landhandlar og stortingsmann frå Åmot i Hedmark.
| Ole Olsen Aaset | |
.jpg) | |
| Statsborgarskap | Noreg |
| Fødd | 25. mars 1767 Åmot |
| Død | |
| Yrke | forretningsdrivande, bonde, politikar, trelasthandlar |
| Språk | norsk |
Åset var son av ein gardbrukar. Han tok over farsgarden i 1788. I tillegg dreiv han trelasthandel i heile Østerdalen, for ein stor del for trelasthandlar Holm i Christiania. Han kjøpte opp store skogeigedommar, i 1812 eigde han 400 000 dekar skog inn mot svenskegrensa. Saman med Holm eigde han fem skip, til eit av dei, som vart bygt i Fredrikstad i 1810 og kosta 121 000 riksdalar, leverte han alt skipstømmeret. Han dreiv landhandel på Åmot, der han mellom anna nokre år ala fram tobakk til sal.
Aaset var stortingsmann frå Hedemarkens amt i 1821 og på omframstortinget året etter. I 1821 var han medlem av fem komitear, mellom anna om utskiftingslova og om gasjar, pensjonar og budsjett.
Han døydde på Åset i Åmot i 1825.
Kjelder
endre- Lindstøl, Tallak:Stortinget og Statsraadet 1814-1914. Kristiania, 1914
- Biografisk informasjon om Ole Olsen Aaset NSD Norsk senter for forskningsdatas politikararkiv