Ole Olsen Evenstad (1766–1833)

Ole Olsen Evenstad (23. september 1766–20. februar 1833) var ein norsk lensmann, gardbrukar, eidsvollsmann og stortingsmann frå Storelvdal.

Ole Olsen Evenstad
Statsborgarskap	Noreg
Fødd	23. september 1766 Stor-Elvdal kommune
Død	20. februar 1833 (66 år)
Yrke	bonde, politikar, lensmann
Språk	norsk
Far	Ole Olsen Evenstad (1739–1806)
Ole Olsen Evenstad (1766–1833) på Commons

Evenstad vart våren 1783 lensmann i heimbygda etter far sin, knapt 17 år gammal. Denne stillinga hadde han heilt til han døydde. I 1803 overtok han farsgarden, storgarden Evenstad. Kring om 1800 stifta han, og styrte, Enighets fabrik. Dette var eit patriotisk tiltak for Åmot, som noko tid dreiv eit ull- og bomullsspinneri. Han var elles med i forlikskommisjonen frå 1824.

Minnebauta over Evenstad nær Stor-Elvdal kyrkje

I 1814 var Evenstad utsending frå Hedmark til riksforsamlinga på Eidsvoll. I avrøystingane fylgde han sjølvstendepartiet. Innvald også på Stortinget 1824, han var då medlem av komiteen om kjøpstad på Oplandene og komiteen om berg- og skogvesenet. Ein samnemnd bror, Ole Olsen Evenstad, vart vald til stortingsrepresentant for 1833, men møtte grunna sjukdom ikkje.

Han døydde på Evenstad i 1833.

Kjelder

• Tallak Lindstøl: Stortinget og Statsraadet 1814-1914. Kristiania, 1914

Bakgrunnsstoff

• Biografisk informasjon om Ole Olsen Evenstad (1766–1833) NSD Norsk senter for forskningsdatas politikararkiv