Ole Olsson Øveland

Ole Olsson Øveland (1776–16. juli 1840) var ein norsk lærar, gardbrukar og stortingsmann frå Finsland i Vest-Agder.

Ole Olsson Øveland
Fødd	1776 Finsland
Død	16. juli 1840 (63 år)
Statsborgar av	Noreg
Yrke	bonde, politikar
Alle verv	stortingsrepresentant (1821–1823) stortingsrepresentant (1824–1826) stortingsrepresentant (1827–1829) vararepresentant til Stortinget (1830–1832) stortingsrepresentant (1833–1835) stortingsrepresentant (1836–1838)

Han var som til ein gardbrukar på Espeland i Finsland. Etter litt undervisning frå biskop Peder Hansen vart han skulehaldar i Bjelland og frå 1801 gardbrukar på Øveland i Finsland.

Øveland representerte Lister og Mandals amt på Stortinget 1821-27 og 1833-37. I 1821 var han medlem av fem komitear, mellom dei om utskiftingslova og om hogst i allmenningar. År 1824 var han medlem av komiteane om fiskeria og om veglova, 1827 atter om fiskeria. Grunna sjukdom møtte han ikkje på omframstortinget 1828. På Stortinget 1833 og 1836 var han medlem av Lagtinget og justiskomiteen, 1836-37 av Lagtinget. Øveland var medlem av riksretten 1836-37.

Han døydde på garden sin i Finsland i 1840.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Ole Olsson Øveland NSD Norsk senter for forskningsdatas politikararkiv