Olena Antonova

Olena Anatolijivna Antonova (fødd 16. juni 1972) er ein ukrainsk tidlegare diskoskastar frå Nikopol. Ho vann bronsemedaljen i øvinga under Sommar-OL 2008.

Olena Antonova
Statsborgarskap	Sovjetunionen, Ukraina
Fødd	10. juni 1972 (51 år) Nikopol i Ukraina
Idrett	friidrett
Tok del i	Sommar-OL 2008, Sommar-OL 2004, Sommar-OL 2000, Sommar-OL 1996
Utmerkingar	3. klasse av Fyrstinne Olgas orden

Aktiv

Antonova forbetra under verdsmeisterskapen 2003 sitt personbeste til 65,90 meter, eit kast som gav henne fjerdeplassen i tevlinga. Den 6. juni 2004 i Kiev presterte ho livbeste med 67,30 meter. To månader seinare kom ho på femteplass (omgjort til fjerdeplass i 2012) under Sommar-OL i Aten. Etter ha vorte nummer fem i Osaka-VM i 2007, lukkast Antonova take ein medalje ved Sommar-OL 2008. Med eit bestekast på 62,59 m vart ho bronsemedaljør, berre Stephanie Brown Trafton frå USA og Yarelis Barrios frå Cuba kasta lengre. Barrios si medalje vart elles annullert i 2016.

Doping

Antonova hadde lagt opp då det i 2013, ved retesting av dopingprøva frå VM 2009, vart funne restar av stanozolol i prøvematerialet. Ho vart dømd til 2 års utestenging.

Medaljar og plasseringar i internasjonale meisterskap

• OL 1996 i Atlanta: Utslått i kvalifiseringa (57,92 m=nr 29)
• VM 1997 i Aten: Utslått i kvalifiseringa (59,62 m=nr 13)
• EM 1998 i Budapest: Nr 11 – 60,26 m
• VM 1999 i Sevilla: Nr 7 – 63,61 m
• OL 2000 i Sydney: Utslått i kvalifiseringa (60,73 m=nr 13)
• VM 2001 i Edmonton: Utslått i kvalifiseringa (58,55 m=nr 16)
• VM 2003 i Paris: Nr 4 – 65,90 m
• OL 2004 i Aten: Nr 4 – 65,75 m
• VM 2005 i Helsinki: Nr 8 – 59,37 m
• VM 2007 i Osaka: Nr 5 – 62,41 m
• OL 2008 i Beijing: Sølvmedalje – 62,59 m
• VM 2009 i Berlin: Utslått i kvalifiseringa (54,28 m=nr 33)

Kjelder

• Denne artikkelen bygger på «Olena Antonowa» frå Wikipedia på tysk, den 14. juli 2021.

• «Olena Antonova» (på engelsk). Olympedia. Henta 13. mars 2023. 
• «Olena ANTONOVA» (på engelsk). Olympics.com. Henta 13. mars 2023.