Orkester er ei større gruppe av instrumentalmusikarar som speler saman. Det skil seg dermed frå frå kor med songarar, og frå mindre instrumental-ensemble og band med færre medlemmer. Storleiken på eit orkester er likevel ikkje fastlagt. Medan symfoniorkester kan ha over hundre medlemmer, finst det grupper kalla «orkester» med så få som fire medlemmer, særleg innan jazz- og dansebandtradisjonane.

«Waldorf-Astoria Dance Orchestra» i 1924.
Indonesisk gamelan-orkester.
Foto: Giovanni Sciarrino

Eit orkester kan spela instrumentalmusikk som symfoniar eller akkompagnera solistar. Musikarane kan spela etter noter eller improvisera. Dei blir ofte leia av ein dirigent eller kapellmester, men kan også spela utan leiar.

Ordsoge endre

I antikkens Hellas var orkhestra området der koret song og dansa, mellom proskenion, scenen, og theatron, der tilskodarane sat. Det moderne orkesteret har fått namnet sitt etter dette, og orkestergrava i framsyningssalar kan framleis minna om dette området.

Kjelder endre

Bakgrunnsstoff endre

  Commons har multimedium som gjeld: Orkester
  Denne musikkartikkelen er ei spire. Du kan hjelpe Nynorsk Wikipedia gjennom å utvide han.