Osleidys Menéndez
Osleidys Menéndez Sáez (fødd 14. november 1979) er ein kubansk tidlegare friidrettsutøvar frå Matanzas-provinsen som tevla i spydkast. Ho har vunne to VM-gull, 2001 og 2005, OL-gull i 2004, samt OL-bronse i 2000. Då ho vart verdsmeister i Helsinki i 2005 sette ho verdsrekord med 71,70 meter.
| Osleidys Menéndez | |
| Statsborgarskap | Cuba |
| Fødd | 14. november 1979 (44 år) Martí |
| Idrett | friidrett |
| Tok del i | |
Aktiv endre
Menéndez vann meistertittelen i spydkast ved junior-VM 1996 og forsvarte tittelen i 1998. Ho deltok under VM i friidrett 1997 i Aten og vart nummer sju. To år seinare kom ho på fjerdeplass ved friidrett-VM i Sevilla. Ved sommarleikane 2000 i Sydney vann ho bronsemedaljen.
Under VM i friidrett 2001 i Edmonton vart Menéndez verdsmeister for fyrste gong. Same sesongen sette ho ny verdsrekord med eit kast på 71,54 meter. I den neste verdsmeisterskapen, VM 2003 i Paris/Saint-Denis, enda ho på femteplassen.
Med eit bestekast på 71,53 m, ein einaste centimeter bak hennar eigen verdsrekord, sikra Menéndez seg gullmedaljen under dei olympiske leikane 2004 i Aten. Året etter forbetra ho verdsrekorden til 71,70 m då ho vann gullmedaljen under VM i friidrett 2005 i Helsinki. Verdsrekorden vart ståande i tre år.
Medaljar og plasseringar i internasjonale meisterskap endre
- VM 1997 i Aten: Nr 7 - 63,76 m
- VM 1999 i Sevilla: Nr 4 - 64,61 m
- OL 2000 i Sydney: Bronsemedalje - 66,18 m, bakom Mirela Maniani (67,51 m)
- VM 2001 i Edmonton: Gullmedalje - 69,53 m, framom Mirela Maniani (65,78 m)
- VM i 2003 i Paris: Nr 5 - 62,19 m
- OL 2004 i Aten: Gullmedalje - 71,53 m, framom Steffi Nerius (65,82 m)
- VM i 2005 i Helsinki: Gullmedalje - 71,70 m, framom Christina Obergföll (70,03 m)
- OL 2008 i Beijing: Nr 6 - 63,35 m
- VM 2009 i Berlin: Nr 7 - 63,11 m
Kjelder endre
- Denne artikkelen bygger på «Osleidys Menéndez» frå Wikipedia på tysk, den 2. september 2015.