Osvald Mildh
Sven Osvald «Ossi» Mildh (12. mai 1930–16. september 2015) var ein finsk friidrettsutøvar frå Helsinki. Han vann to bronsemedaljar ved EM i friidrett 1954, den eine på 400 meter hekk og den andre i 4 × 400 meter stafett.
| Osvald Mildh | |
| Statsborgarskap | Finland |
| Fødd | 12. mai 1930 Helsingfors |
| Død |
16. september 2015 (85 år) |
| Idrett | friidrett, ishockey |
| Tok del i |
Sommar-OL 1952, Sommar-OL 1956, EM i friidrett 1954, EM i friidrett 1958 |
Mildh deltok i Sommar-OL 1952, utan å kome vidare frå forsøket. Under europameisterskapen 1954 i Bern gjorde han sitt livs løp då han med tida 51,5 sette finsk rekord i 400 meter hekk og vann bronsemedaljen, einast dei sovjetiske utøvarane Anatolij Julin og Jurij Litujev sprang fortare.[1] I den same meisterskapen tok Mildh seg av den andre etappen for det finske mannskapet som kom på tredjeplass i den lange stafetten. Både under Sommar-OL 1956 og Friidretts-EM 1958 vart han slått ut i forsøket.
Åra 1953, 1954, 1957 og 1958 vart Mildh finsk meister på 400 m hekk. I tillegg vann han den nasjonale gullmedaljen på 400 meter i 1953 og på 110 meter hekk i 1957.
Kjelder endre
- ↑ «Ossi Mildh Bio, Stats and Results». Sports Reference LLC. Arkivert frå originalen 17. april 2020. Henta 5. april 2014.
- Denne artikkelen bygger på «Ossi Mildh» frå Wikipedia på finsk, den 7. juli 2023.