Ottar Starheim

Ottar Starheim (16. mars 1946–18. mai 2012) var ein norsk journalist, redaktør og lokalhistorisk forfattar fødd på Stårheim i Eid kommune. Han var busett i Førde.

Ottar Starheim
Statsborgarskap	Noreg
Fødd	16. mars 1946
Død	18. mai 2012 (66 år)
Yrke	skribent

Virke

Starheim starta som journalist i 1963, og arbeidde i Fjordenes Tidende, VG og NRK Møre og Romsdal.

I 1975 vart han styrar av NRK sitt nye kontor for Sogn og Fjordane i Førde. Kontoret starta eigne fylkessendingar i 1977. I 1979 vart Starheim den første distriktssjefen i NRK Sogn og Fjordane, ei stilling han hadde fram til 1990.

På 1990-talet arbeidde han i hovudsak med historiske program. Frå 2001 leia han arbeidet med NRK Sogn og Fjordane sitt nettbaserte Fylkesleksikon. Fylkesleksikonet vart i 2009 gjeve ut som bokverk på 3250 sider, fordelt på fire bind. Han fotograferte ein stor del av dei 12 000 bileta i bokverket.

Starheim har fått Presseprisen for Sogn og Fjordane to gonger.

Ottar Starheim var mellom anna leiar i ungdomslag og idrettslag både på Stårheim, i Måløy og i Førde. Han var styreleiar i Sunnfjord Skisenter AS under utbygginga av alpinanlegget på 1980-talet, styreleiar i Førde Næringsutvikling AS og styreleiar i Stårheim Kraft AS.

Bibliografi

Bøker

• 1999 – 50 år med Ramstad : -med begge beina på jorda, står du still- (Førde: Ramstad eskefabrikk). ISBN 82-995316-0-8 I fulltekst ved nb.no

• 2003 – Måløy : brua og byen (Måløy: Måløybrua AS). ISBN 82-303-0106-9  [Av: Ottar Starheim, Terje Sølvberg ; fotograf: Arild Nybø]

• 2003 – Tunge tak : historia om godstransporten i Sogn og Fjordane (Førde: Selja). ISBN 82-91722-33-1

• 2004 – Tida flyg : historiske flyfoto frå Sogn og Fjordane  : basert på Johan Ottesens fotoarkiv (Førde: Selja). ISBN 82-91722-42-0

• 2009 – Fylkesleksikon for Sogn og Fjordane. Bind 1. Askvoll, Aurland, Balestrand, Bremanger, Eid, Fjaler, Flora, Førde (Førde: NRK). ISBN 978-82-81783-26-3  [Biletredaktør og bilettekstar: Kjell Arvid Stølen ; illustrasjonar: Bernt Kristiansen]

• 2009 – Fylkesleksikon for Sogn og Fjordane. Bind 2. Gaular, Gloppen, Gulen, Hornindal, Hyllestad, Høyanger, Jølster, Leikanger (Førde: NRK). ISBN 978-82-81783-27-0  [Biletredaktør og bilettekstar: Kjell Arvid Stølen ; illustrasjonar: Bernt Kristiansen]

• 2009 – Fylkesleksikon for Sogn og Fjordane. Bind 3. Luster, Lærdal, Naustdal, Selje, Sogndal, Solund (Førde: NRK). ISBN 978-82-81783-28-7  [Biletredaktør og bilettekstar: Kjell Arvid Stølen ; illustrasjonar: Bernt Kristiansen]

• 2009 – Fylkesleksikon for Sogn og Fjordane. Bind 4. Stryn, Vik, Vågsøy, Årdal, Sogn og Fjordane (Førde: NRK). ISBN 978-82-81783-29-4  [Biletredaktør og bilettekstar: Kjell Arvid Stølen ; illustrasjonar: Bernt Kristiansen]

• 2012 – Bygdesoga for Stårheim (Stårheim: Stårheim bygdelag)  [Nettutgåve]

I tidsskrift - eit utval

• Lokalhistoriske artiklar Sogn og Fjordane

Kjelder

• Om Ottar Starheim i Allkunne Arkivert 2018-09-13 ved Wayback Machine.
• Selja forlag
• Bibsys

Referansar