Out of Order av Rod Stewart

Out of Order Studioalbum av Rod Stewart
Språk	engelsk
Utgjeve	23. mai 1988
Innspelt	1987-1988
Sjanger	Poprock
Lengd	51:30
Selskap	Warner Bros.
Produsent	Rod Stewart, Andy Taylor, Bernard Edwards
Rod Stewart-kronologi
Every Beat of My Heart (1986)	Out of Order	The Best of Rod Stewart (1989)
Singlar frå Out of Order
«Lost in You» Utgjeve: 15. april 1988 «Forever Young» Utgjeve: 3. juli 1988 «My Heart Can't Tell You No» Utgjeve: 22. september 1988 «Crazy About Her» Utgjeve: 17. januar 1989 «Dynamite» Utgjeve: 9. mars 1989

Out of Order er det 15. studioalbumet til Rod Stewart, gjeve ut i 1988. Det inneheld hitsinglane «Lost In You», «Forever Young», «My Heart Can't Tell You No» og «Crazy About Her». Albumet vart produsert av Stewart og medlemmar av The Power Station: gitaristen Andy Taylor (òg medlem av Duran Duran), og bassisten Bernard Edwards (tidlegare i Chic). Chic-trommeslagaren Tony Thompson spelar òg på plata.

Meldingar
Karakter
Kjelde	Karakter
AllMusic
Robert Christgau	C
Rolling Stone

Mottaking

Albumet vart teke positivt i mot av mange kritikarar etter ei rekkje heller svake album. Stephen Thomas Erlewine i AllMusic kalla det «godt konstruert» og Rolling Stone kalla det eit «sjølvsikkert, velskrive og energisk verk».

Albumet nådde 20. plassen på Billboard 200, og selde etter kvart til dobbel platinaplate, som gjorde dette til det bestseljande Stewart-albumet i 1980-åra.

Kvar singel frå albumet nådde Topp 20 på anten Mainstream Rock Tracks-lista, Hot Adult Contemporary Tracks-lista eller Billboard Hot 100. Det vart filma og produsert musikkvideoar for kvar av dei. Den mest suksessrike singelen var «My Heart Can't Tell You No», som nådde topp fem på både Hot Adult Contemporary Tracks og Billboard Hot 100.

NBC Sports brukte mykje «Forever Young» under idrettsreportasjar i 1988 og 1989. Strukturen i teksten til denne songen minna mykje om Bob Dylan-songen med same tittel. Då dette vart oppdaga vart songen sendt til Dylan for å høyre om han hadde noko problem med dette. Stewart og Dylan vart samde om å dele låtskrivinga for songen og dele honorara Stewart fekk for songen.

Albumet har seld meir enn ni millionar eksemplar verda over.

Innhald

Nr.	Tittel	Låtskrivar(ar)	Lengd
1.	«Lost In You»	Stewart, Andy Taylor	4:59
2.	«The Wild Horse»	Stewart, Taylor	4:58
3.	«Lethal Dose of Love»	Taylor, Stewart, Tony Brock	4:38
4.	«Forever Young»	Jim Cregan, Kevin Savigar, Bob Dylan, Stewart	4:03
5.	«My Heart Can't Tell You No»	Simon Climie, Dennis Morgan	5:12
6.	«Dynamite»	Stewart, Taylor	4:16
7.	«Nobody Knows You When You're Down and Out»	Jimmy Cox	3:50
8.	«Crazy About Her»	Duane Hitchings, Cregan, Stewart	4:53
9.	«Try a Little Tenderness»	Jimmy Campbell, Reginald Connelly, Harry M. Woods	4:27
10.	«When I Was Your Man»	Savigar, Stewart	5:14
11.	«Almost Illegal»	Stewart, Taylor	4:27

Medverkande

• Rod Stewart – vokal
• David Lindley – fele, mandolin, fiolin, slidegitar
• Bernard Edwards – bass
• Andy Taylor – gitar
• Tony Thompson – trommer
• Tony Brock – trommer
• Bobbye Hall – perkusjon
• Lyn Collins – korvokal
• Jim Cregan – gitar
• Kelly Emberg – korvokal
• Earl Gardner – trompet
• Bob Glaub – bass
• Duane Hitchings – klaverinstrument
• Rita Johnson – korvokal
• Michael Landau – gitar
• Eddie Martinez – gitar
• Bruce Miller – strykearrangement
• Bill Payne – piano
• Lenny Pickett – saksofon
• Kevin Savigar – klaverinstrument
• Robert Sheen – korvokal
• David Woodford – saksofon
• William D. «Smitty» Smith – orgel
• Jimmy Roberts – saksofon

Kjelder

• Denne artikkelen bygger på «Out of Order (Rod Stewart album)» frå Wikipedia på engelsk, den 4. juni 2018.
  • Wikipedia på engelsk oppgav desse kjeldene: