Palencia

Palencia er ein by sør for Tierra de Campos, nordvest i Spania, og provinshovudstad i provinsen Palencia i den autonome regionen Castilla y León. Byen har kring 80 000 innbyggjarar.

Palencia


Flagget til Palencia	Byvåpenet til Palencia

Plassering

Styresmakter

Land

Spania

Borgarmeister

Heliodoro Gallego Cuesta

Geografi

Flatevidd
- By

94,71 km²

Innbyggjarar
- Totalt (2008)
- folketettleik

82 626
872,4 /km²

Koordinatar

42°1′N 4°32′W / 42.017°N 4.533°W

Høgd over havet

749 moh

Diverse annan informasjon

Postnummer

34001 - 34006

Telefon-retningsnummer

979

Nettstad: www.aytopalencia.es

Palensia har eit få, men merkverdige historiske attraksjonar. Den romerske brua over Carrión vart erstatta av ei ny bru i mellomalderen med tre bogar. Det er framleis spor etter den over 10 meter høge bymuren. Den gotiske katedralen bygd frå 1321 til 1504 står over ein vestgotisk krypt.

Historie

Palencia-katedralen

Palencia var opphavleg ein keltiberisk festning kalla Pallantia av romarane, eit namn som kanskje kjem av den keltiske rota pala, som tyder «slette». Byen vart omleira på 100-talet fvt. og innlemma i den romerske provinsen Hispania Tarraconensis. Etter Romarriket fall vart byen nesten jamna med jorda i 457 under ein krig mellom vestgotarar og suevar. Det katolske bispedømet Palencia vart grunnlagd på 200-talet eller tidlegare og biskopane hadde setet sitt her.

Då maurarane kom tidleg på 700-talet var det lite motstand hos biskopane som styrte området. Under arabarane var Palencia ein uviktig by og vart berre nemnd ein gong av dei mauriske forfattarane. El Cid gifta seg med si Ximena i Palencia i 1074 etter at området vart gjenerobra tidleg på 1000-talet.

Like sør for byen, i landsbyen Baños de Cerrato, ligg den eldste kyrkja på Den iberiske halvøya, ein basilika frå 600-talet, bygd av den vestgotiske kong Reccaswinth (døydde i 672).

Bakgrunnsstoff

Wikimedia Commons har multimedia som gjeld: Palencia

Kjelder

Denne artikkelen bygger på «Palencia» frå Wikipedia på engelsk, den 31. oktober 2009.