Partia

Partia eller partarriket (persisk اشکانیان, Ashkâniân, gresk Παρθία, latin Parthia) var eit oldtidsrike med kjerne søraust for Kaspihavet, i den noverande iranske provinsen Khorasan. Riket kontrollerte Mesopotamia mykje av tida mellom 190 f.Kr. og år 224.

Partarane brukte det mellomiranske språket partisk, som var offisielt språk i riket.

Opphav

Partarane var ein iransk stamme, opphavleg nomadar frå Sentral-Asia, som hadde slått seg ned i Persia. Dei var underlagd Persar- og seinare Selevkideriket. Under Selevkos II erklærte satrapen Andragoras Partia som sjølvstendig (ca. 255 f.Kr.). Kort tid seinare blei han styrta av Arsakes I som grunnla Arsakide-dynastiet og den partiske forfatninga. Etter han hadde alle dei partiske herskarane namnet Arsakes, men dei hadde også personlege namn. Den største og mest berømte av dei eldre arsakidiske monarkane er Mitridates II (d. 88 f.Kr.), som utvida riket så det strekte seg frå Indus til Eufrat.

Kjelder

partere (27.02.2013), Store norske leksikon.

Denne artikkelen bygger på «Partia» frå Wikipedia på bokmål, og «Partien» frå Wikipedia på svensk den 26. juni 2013.

Bakgrunnsstoff

Commons har multimedium som gjeld: Partia