Opna hovudmenyen

Parvati (sanskrit, 'fjelldotter') eller Uma ('venn, hjelpar') er ei hinduisk gudinne som står for den kvinnelege gudskrafta, sjakti og er kona til Sjiva. Gudinna blir dyrka i mange former, som den mektige Durga, og inkarnasjonar, som Sati. Ho er kjend under ei rekke namn, som Ambika ('mor'), Bhairavi ('frykteleg'), Gauri ('gylden'), Kali ('svart'), Lalita ('vakker') og Sjyama ('mørk').

Sjiva og Parvati på eit relieff frå Ellora.

MytologiEndra

Innan hinduisk mytologi er Parvati først og fremst den som fekk asketguden Sjiva til å venda seg mot den sanselege verda og ikkje berre den andelege. Ho har mange av hans eigenskapar, til dømes evna til å gjennomføra askese og å dansa.

Historia om Parvati seier at ho var dotter til Himavat, reinkarnasjonen av Sati, som òg hadde vore gift med Sjiva før ho døydde.

Namnet ParvatiEndra

Parvati er brukt som jentenamn blant hinduar, men andre namn på gudinna, som Uma, Gauri og Lalita, er meir utbreidde.