Paul Ince
Paul Emerson Carlyle Ince (fødd 21. oktober 1967) er ein engelsk tidlegare fotballspelar frå bydelen Ilford i London, særleg kjend for tida som midtbanespelar i Manchester United. Med laget frå Manchester var han med å vinne Cupvinnarcupen 1991, to ligameisterskap, to FA-cupar og ein ligacup. I tida 1992-2000 spelte han 53 landskampar for England, skåra to mål.
 | |||
| Personleg informasjon | |||
|---|---|---|---|
| Fullt namn | Paul Emerson Carlyle Ince | ||
| Fødselsdato | 21. oktober 1967 (56 år) | ||
| Fødestad | Ilford i England | ||
| Høgd | 1,76 m | ||
| Posisjon | Midtbanespelar | ||
| Seniorkarriere* | |||
| År | Lag | Kampar | (Mål) |
| 1986-1989 | West Ham | 72 | (7) |
| 1989-1995 | Manchester United | 206 | (25) |
| 1995-1997 | Inter | 54 | (10) |
| 1997-1999 | Liverpool | 65 | (14) |
| 1999-2002 | Middlesbrough | 93 | (14) |
| 2002-2006 | Wolverhampton | 115 | (10) |
| 2006 | Swindon | 3 | (0) |
| 2007 | Macclesfield | 1 | (0) |
| Totalt | 609 | (73) | |
| Landslag | |||
| 1992-2000 | England | 53 | (2) |
| * Seniorklubbkampar og mål berre telt for nasjonal liga | |||
Klubbspel endre
Midtbanespelaren Ince debuterte på West Ham United i desember 1986. I september 1989 signerte han med Manchester United, der han dei neste 5-6 sesongane opplevde mykje suksess. Den 17. mai 1990 vann Ince og United FA-cupen etter å ha vunne omkampfinalen 1-0 mot Crystal Palace. Nokså nøyaktig eitt år seinare i Rotterdam vart FC Barcelona slått 2-1 i finalen i cupvinnarcupen 1991. I april 1992 sikra Manchester United seg ligacupokalen etter siger over Nottingham Forest. Både i 1993 og 1994 var Ince med å vinne den engelske ligaen, i 1994 tok Manchester United også "the double" då laget lukkast slå Chelsea FC 4-0 i FA-cupfinalen på Wembley stadion i London.
Sommaren 1995 vart Ince overført til italienske FC Inter, eit lag han var med å spele fram til finale i UEFA-cupen 1997. Etter samanlagt uavgjort 1-1 tapte Inter straffetevlinga mot tyske Schalke 04. Sommaren 1997 valde Ince å reise heime til England, der han fekk kontrakt med Liverpool FC og spelte i to sesongar. Side var Ince Middlesbrough-spelar i tre sesongar og Wolverhampton-spelar i fire år fram til 2006.
Landslagsspel endre
Ince fekk sin landslagsdebut i september 1992. Han var mykje delaktig på landslaget både under Fotball-EM 1996 på heimebane, der England nådde semifinalane, og under VM i fotball 1998. Han spelte sin 53. og siste landskamp då England rauk ut or Fotball-EM 2000 etter tap 2-3 mot Romania. Ince skåra to landslagsmål, begge kom på bortebane i ein VM-kvalifiseringskamp mot San Marino i november 1993.
Kjelder endre
- Denne artikkelen bygger på «Paul Ince» frå Wikipedia på engelsk, den 19. mai 2018.
- eu-football