Pedro Pablo Pichardo

Pedro Pablo Pichardo (fødd 30. juni 1993) er ein kubansk-portugisisk tresteghoppar frå Santiago de Cuba som vart olympisk meister i øvinga under dei olympiske leikane i Tokyo i 2021. Året etter vart han verdsmeister i øvinga i Eugene i Oregon og europameister i München. Pichardo sin personlege rekord er på 18,08 meter, oppnådd i 2015.

Pedro Pablo Pichardo
Statsborgarskap	Portugal, Cuba
Fødd	30. juni 1993 (31 år) Santiago de Cuba
Idrett	friidrett
Tok del i	Friidrett under Sommar-OL 2016, Friidrett under Sommer-OL 2020 – Tresteg menn

Aktiv

Pichardo hoppa over 17 meter fyrste gongen då han landa på 17,16 meter i eit stemne i Havanna i februar 2013. Fire månader seinare presterte han årsbeste i verda då han same staden nådde 17,69 meter. Under VM-finalen i Moskva august 2013 kom han på andreplass med 17,68 meter, sjanselaus mot franske Teddy Tamgho som hadde sin aller beste dag i tresteg-gropa.

8. mai 2015 i Havanna sletta Picardo den kubanske rekorden til Yoelbi Quesada i tresteg, med 17,94 meter lengde han landsrekorden med 9 cm. Vel ei veke seinare, den 18. mai i Doha flytta han rekorden til 18,08 meter og plasserte seg på tredjeplass på verdsstatistikken i tresteghopp. I verdsmeisterskapen i Beijing vann han ein ny sølvmedalje, grundig slått av Christian Taylor som med sine 18,21 meter presterte livsbeste.

I april 2017 forlet Pichardo det kubanske friidrettslandslaget i Stuttgart og søkte om portugisisk statsborgarskap. Frå august 2019 kunne han tevle internasjonalt for Portugal, enda så på fjerdeplass i Doha-VM. I OL-finalen i Tokyo sommaren 2021 sette han portugisisk rekord med eit hopp på 17,98 meter og vann ein suveren gullmedalje.

Medaljar og plasseringar i internasjonale meisterskap

• VM 2013 i Moskva: Sølvmedalje – 17,68 m, bakom Teddy Tamgho (18,04 m)
• VM 2015 i Beijing: Sølvmedalje – 17,73 m, bakom Christian Taylor (18,21 m)
• VM 2019 i Doha: Nr 4 – 17,62 m
• OL i 2021 i Tokyo: Gullmedalje – 17,98 m, framom Zhu Yaming (17,57 m)
• VM 2022 i Eugene: Gullmedalje – 17,95 m, framom Hugues Zango (17,55 m)
• EM 2022 i München: Gullmedalje – 17,50 m, framom Andrea Dallavalle (17,04 m)
• EM 2024 i Roma: Sølvmedalje – 18,04 m, bakom Jordan Díaz (18,18 m)
• OL 2024 i Paris: Sølvmedalje – 17,84 m, bakom Jordan Díaz (17,86 m)

Kjelder

• Denne artikkelen bygger på «Pedro Pichardo» frå Wikipedia på engelsk, den 11. mai 2022.

• «Pedro Pablo Pichardo» (på engelsk). Olympedia. Henta 9. mars 2023.