Per Hilleren

Per Hilleren (fødd 7. juni 1906 på Veitastrond i Luster i Sogn og Fjordane, død 23. april 1994) var ein norsk forfattar og predikant. Han vaks opp i Sogndal og flytta seinare mykje, han var mellom anna også busett i Brekke i Gulen, Balestrand og Vadheim i Høyanger, forutan eit par stader på Austlandet. Hilleren var i ein kort periode redaktør for lokalavisa Syngabladet som kom ut i Sogndal i 1967. Han var sterkt engasjert i kristeleg lagsarbeid, han var mellom anna ei tid tilsett ved Blå kors i Bergen og han reiste også som forkynnar for kristelege organisasjonar.

Per Hilleren
Statsborgarskap	Noreg
Fødd	7. juni 1906
Død	23. april 1994 (87 år)
Yrke	skribent
Språk	norsk

Per Hilleren gav ut om lag 50 bøker frå debuten i 1928 med Kveldssol. Eit prosadikt. Ofte er kampen mellom det lyse og det mørke tema. Mange bøker er gitt ut i fleire opplag og på fleire språk. Gjennombrotet kom i 1939 med romanen Gull og kjærlighet som var eit oppgjer med Hitler og nazismen. Dei fleste utgjevingane til Hilleren har vore i romanform, men han har også gitt ut novellesamlinga Medan heggen blømer, og nokre av føredraga hans kom i bokform i Tid og rødmer.

Hilleren sine verk har ein kristen grunntone. Religiøse brytningar i einskildmennesket og bygdesamfunnet er viktige tema. Ein finn også naturskildringar i bøkene hans. Rachel frå 1959 er ein roman frå det nye Israel. Romanen Det blåser på heia frå 1947, skildrar vekkingane på Vegårshei i siste halvdel av 1800-talet. Den sjølvbiografiske Minneskog fortel om livet som forfattar og forkynnar. Han har også skrive bøker for barn.

Bibliografi

Bøker

• 1928 – Kveldssol : eit prosadikt (Sogndal)
• 1931 – Nyrenning (Bergen: Lunde) I fulltekst ved nb.no
• 1932 – Makter (Bjørgvin: Lunde) I fulltekst ved nb.no
• 1933 – Morgon (Bergen: Lunde) I fulltekst ved nb.no
• 1934 – Porten opnast (Bergen: Lunde) I fulltekst ved nb.no
• 1935 – Der suser skogen (Oslo: Lunde) I fulltekst ved nb.no

• 1936 – I motvind og bør (Bergen: Den indre sjømannsmisjon)
• 1936 – Rusta strenger (Bergen: Lunde) I fulltekst ved nb.no
• 1936 – Gutane på Holbråten : fortelling (Oslo: Gry) I fulltekst ved nb.no
• 1937 – Det syng i Skarvenuten (Bergen: Gry) I fulltekst ved nb.no
• 1937 – Det fagre liv (Bergen: Lunde) I fulltekst ved nb.no
• 1938 – Av jord skal det gro (Oslo: Lunde) I fulltekst ved nb.no
• 1939 – Gull og kjærlighet (Bergen: Lunde) I fulltekst ved nb.no
• 1939 – Medan heggen blømer (Bergen: Lunde) I fulltekst ved nb.no
• 1940 – Du hører dalen til (Oslo: Misjonsforbundet) I fulltekst ved nb.no
• 1942 – Tunsvoll : vårstormer (Oslo: Ansgar) I fulltekst ved nb.no
• 1945 – Sommer : Tunsvoll III (Oslo: Ansgar) I fulltekst ved nb.no
• 1945 – Vegen og porten : Tunsvoll II (Oslo: Ansgar) I fulltekst ved nb.no  [1959-opplaget med tittelen: Veien og porten]
• 1946 – Storbragd i fjellet (Oslo: Ansgar) I fulltekst ved nb.no
• 1947 – Det blåser på heia : folkelivsskildringer fra vekkelsene på Vegårshei i 1870-80 (Oslo) I fulltekst ved nb.no
• 1948 – Under blånende breer (Oslo: Ansgar) I fulltekst ved nb.no
• 1949 – Strengene (Oslo: Ansgar) I fulltekst ved nb.no
• 1951 – Nattens kvite blomst : roman (Oslo: De unges forl.) I fulltekst ved nb.no
• 1953 – Skapningen lenges (Oslo)
• 1953 – Tempelskogen (Oslo: Ansgar) I fulltekst ved nb.no
• 1954 – Solfjellet (Oslo: Ansgar) I fulltekst ved nb.no
• 1956 – Fagre jord (Oslo: Ansgar) I fulltekst ved nb.no
• 1959 – Rachel : roman fra det nye Israel (Oslo: Ansgar) I fulltekst ved nb.no
• 1962 – Mot blå kveld : roman (Bergen) I fulltekst ved nb.no
• 1964 – Bergljot (Oslo: Ansgar) I fulltekst ved nb.no
• 1965 – Når det døde tre blomstrer (Oslo: Ansgar) I fulltekst ved nb.no
• 1965 – Sangen fra fjellet (Oslo: Ansgar) I fulltekst ved nb.no
• 1966 – Alltid en ny vår (Oslo: Ansgar) I fulltekst ved nb.no
• 1966 – Malla Mo : ett fascinerande missionärsöde (Jönköping: Samförlaget)
• 1966 – Adresse Afrika : Malla Mo : en eventyrskikkelse (Oslo: Ansgar) I fulltekst ved nb.no
• 1967 – Grønt lys (Oslo: Ansgar) I fulltekst ved nb.no
• 1968 – Hasselberget : roman (Oslo) I fulltekst ved nb.no
• 1968 – Tid og rømder (Oslo: Ansgar)
• 1969 – Profetnøkkelen : Israel og nasjonene (Oslo) I fulltekst ved nb.no
• 1970 – Over åsens ring (Oslo: Royal forl.) I fulltekst ved nb.no
• 1971 – Rachel Gan Shalom (Oslo: Filadelfiaforlaget) I fulltekst ved nb.no
• 1972 – Når sola står i Ørneskar (Oslo: Ansgar) I fulltekst ved nb.no
• 1972 – Nyskapt jord (Oslo: Filadelfiaforlaget) I fulltekst ved nb.no
• 1973 – Blå kveld (Oslo: Ansgar) I fulltekst ved nb.no
• 1974 – Min fars hus (Oslo: Ansgar) I fulltekst ved nb.no
• 1975 – Mellom solrenningstindar : soga om Ivar Venjahola (Leikanger: Indre Sogn Samskipnad av D.V.I.F.) I fulltekst ved nb.no  [Ved Anders Madsen Gil og Per Hilleren]
• 1978 – Damaskusporten (Oslo: Filadelfiaforlaget) I fulltekst ved nb.no
• 1979 – Støv fra Eden (Oslo: Ansgar) I fulltekst ved nb.no
• 1981 – Gjengjeldelsen (Oslo: Filadelfiaforlaget) I fulltekst ved nb.no
• 1981 – Minneskog (Oslo: Filadelfiaforlaget) I fulltekst ved nb.no

I tidsskrift - eit utval

• Lokalhistoriske artiklar Sogn og Fjordane

Bakgrunnsstoff

• Om Per Hilleren i Lokalhistoriske artiklar Sogn og Fjordane
• Om Per Hilleren i Allkunne
• «Kristen tro i romanen». Bergen: Universitetsforlaget. 1985. s. 57-60. 
• Gravminner i Norge