Peter Jonas Collett
Peter Jonas Collett (12. september 1813–1. desember 1851) var ein norsk jurist, litteraturkritikar, professor og politikar. Han Var ektemannen til Camilla Collett, og hjelpte henne ta fatt som forfattar.
| Peter Jonas Collett | |
 | |
| Statsborgarskap | Noreg |
| Fødd | 12. september 1813 Lier kommune |
| Død |
1. desember 1851 (38 år) |
| Yrke | professor |
| Far | Johan Collett |
| Ektefelle | Camilla Collett |
Peter Collett var fødd i Huseby i Lier. Han var son av amtmannen Johan Collett (1775–1827) og kona Christiane Birgitte de Stockfleth (1782–1829), og tilhøyrde den norske slekta Collett. I 1841 gifta Collett seg med Camilla Wergeland. Paret fekk fire søner, mellom dei Robert Collett, som blei professor i zoologi, og historikaren og genealogen Alf Collett.
Peter Jonas Collett blei utnemnd til professor i lovkunne ved Universitetet i Christiania i 1848. Forelæsninger over Familieretten frå 1859 er den eldste systematiske framstillinga i Noreg om familierett. Forelæsninger over Personretten kom ut i 1865–66 i 2 band.
Collett hadde også sterke litterære interesser. Han tilhøyrde Intelligenspartiet og var ein sentral støttespelar for Johan Sebastian Welhaven. I tida 1837-40 skreiv han ei rekkje bidrag til Den Constitutionelle. Då han reiste rundt i Europa i 1839–40 skreiv han Skizzer som «La bella Italia» og «Julies Grav i Verona». Collett verka også som norsk korrespondent til det danske skandinavistiske tidsskriftet Brage og Idun (1839–41) og avisa Fædrelandet (1847–51).
Peter Jonas Collett døydde av lungebetennelse berre 38 år gammal.
Kjelder
endre- «Peter Jonas Collett» (15. februar 2009), Store norske leksikon. Fri artikkel henta 15. mars 2014.
- Peter Jonas Collett i Norsk biografisk leksikon
- Denne artikkelen bygger på «Peter Jonas Collett» frå Wikipedia på bokmål, den 15. mars 2014.
Bakgrunnsstoff
endre- Publikasjonar av Peter Jonas Collett i BIBSYS
- Dagbøker og breve [av] Camilla Collett og Peter Jonas Collett. Tre bind utgitt av Leiv Amundsen, 1926-34.
- historieboka.no
- Digitaliserte bøker av Collett hos Nasjonalbiblioteket.
- Peter Jonas Collett i Norsk biografisk leksikon
- Slektstreet til Peter Jonas Collett på Geni.com