Pierre-Paul Prud'hon

Pierre-Paul Prud'hon (4. april 1758–14. februar 1823) var ein fransk målar og teiknar frå Cluny, best kjend for sin allegoriske måleri og portrett. Han var ein leiande kustnar i overgangen mellom nyklassisismen og romantikken.

Pierre-Paul Prud'hon
Statsborgarskap	Frankrike
Fødd	4. april 1758 Cluny
Død	16. februar 1823 (64 år) Paris
Yrke	kunstmålar, teiknar
Sjanger	historiemåleri
Pierre-Paul Prud'hon på Commons

Keisarinne Josephine, 1805

Liv og gjerning

Prud'hon lærde målaryrket i heimtraktene. År 1784 vann han Prix de Rome og reiste til Italia for å utdanne seg vidare. I motsetnad til sin samtidige Jacques-Louis David vart han ikkje så mykje påverka av motetrenden nyklassisismen. Derimot tok han sterke inntrykk av kunsten til Leonardo og særleg Correggio. Etter han vende tilbake til Paris fekk Prud'hon mange målaroppdrag for rike og mektige folk.

Prud'hon sine måleri og portrett er utført i ein mjuk, romantisk og allegorisk stil. Han var teiknelærar til og hoffmålar hos Joséphine de Beauharnais, den fyrste kona til Napoleon. Mellom dei mest kjende måleria hans er eit portrett av henne, der ho vert framstilt som ei attraktiv kvinne og mindre som ei keisarinne. Rettferda og den guddommelege hemn fordømer brotsverket frå 1808 er ein vellukka kombinasjon av barokke og klassiske element, med eit moralsk innhald. Hans kanskje mest kjende bilete er Krossfestinga frå 1822.

Han døydde i Paris i 1823.

Bakgrunnsstoff

Commons har multimedium som gjeld: Pierre-Paul Prud'hon

Kjelder

• Aschehougs kunsthistorie. Bind 4 Kunstleksikon, 1996

• Denne artikkelen bygger på «Pierre Paul Prud'hon» frå Wikipedia på engelsk, den 21. mars 2012.