Piotr Fijas

Piotr Władysław Fijas (fødd 27. juni 1958) er ein polsk, tidlegare skihoppar frå Bielsko-Biała. Han var kjend som ein skiflygar, og vann bronsemedaljen i VM i skiflyging i Planica i 1979. I 1987 sette han i Planica verdsrekord i skiflyging med eit hopp på 194 meter.

Piotr Fijas
Statsborgarskap	Polen
Fødd	27. juli 1958 (66 år) Bielsko-Biała
Idrett	skihopping
Tok del i	Vinter-OL 1984, Vinter-OL 1988, Vinter-OL 1980
Utmerkingar	ridder av ordenen Polonia Restituta

Aktiv

Fijas deltok internasjonalt i skihopping frå 1978 og 1988. Han kom på bronseplassen i VM i skiflyging i Planica i 1979, der Armin Kogler frå Austerrike vart verdsmeister. I 1987 sette han verdsrekord i Planica med 194 meter, ein verdsrekord som stod i sju år. Han sette også bakkerekord i Vikersundbakken i 1986 med 163 meter.

Mellom 1980 og 1987 oppnådde Fijas ti pallplasseringar i verdscupen. Tre av dei var sigrar, dei to fyrste vinteren 1980, den tredje og siste i januar 1986. Alle tre sigrane kom i storbakkar. I hans beste sesong samanlagt i verdscupen, 1984/85 vart han nummer 14.

Fijas deltok frå 1980 til 1988 i alle dei store meisterskapane i nordiske greiner; sjuandeplassen i normalbakken under vinter-OL i Sarajevo i 1984 vart hans beste plassering. Han vart også nummer sju i sitt siste skiflygings-VM, i 1988 i Oberstdorf.

Fijas la opp som skihoppar etter 1988-sesongen. Han er i dag med i trenar-teamet til det polske hopp-landslaget.

Verdcupsigrar

Dato	Stad	Land
27. januar 1980	Zakopane	Polen
9. februar 1980	St. Nizier	Frankrike
12. januar 1986	Liberec	Tsjekkia

Kjelder

• Denne artikkelen bygger på «Piotr Fijas» frå Wikipedia på tysk, den 15. januar 2013.

• Sportsboken, aktuelle årgangar

Bakgrunnsstoff

• FIS-biografi Arkivert 2007-09-29 ved Wayback Machine.
• «Piotr Fijas» (på engelsk). Olympedia. Henta 7. februar 2022.