Polmak kommune
Polmak kommune er ein tidlegare kommune i Finnmark.
Polmak høyrde frå opprettinga av formannskapsdistrikta i 1838 til Vadsø by- og landdistrikt. I 1839 vart Nesseby med Polmak skild ut frå Vadsø. I 1858 vart Nesseby med Polmak igjen innlemma i Vadsø, før Vadsø og Nesseby vart to kommunar att frå 1864. I 1903 vart Polmak skild ut som eigen kommune. Ved opprettinga budde det 450 personar i Polmak kommune. Kommunen omfatta då den nordre delen av Tanadalen frå like over Leavvajohka fjellstue ned til grenda Polmak, i tillegg til vidda i nordvest. Frå grenda Polmak ned til Tana bru omfattar den tidlegare kommunen begge sidene av Tanaelva.
Polmak var sjølvstendig kommune fram til 1964 då området vart innlemma i Tana kommune. Det budde då 1072 personar i Polmak kommune.[1] Polmak var den minste kommunen i Finnmark etter folketal.
Folketalsutvikling
endreFolketalsutvikling for tidlegare Polmak kommune frå 1903 til 1964:
| 1.1.1903 | 1.12.1920[2] | 1.12.1930[3] | 3.12.1946[3] | 1.1.1951[4] | 1.1.1961[4] | 1.1.1964 |
|---|---|---|---|---|---|---|
| 450 | 537 | 626 | 903 | 968 | 1072 | 1072 |
Kjelder
endre«Polmak – kommune» i Store norske leksikon, snl.no.
Fotnotar
endre- ↑ Jukvam, Dag (1999). «Historisk oversikt over endringer i kommune- og fylkesinndelingen» (.pdf). SSB. Henta 28. juni 2009.
- ↑ Statistisk årbok for kongeriket Norge 40de årgang, 1920 (Det statistiske centralbyrå, 1921)
- ↑ 3,0 3,1 Statistisk årbok for Norge 69. årgang, 1950 (Statistisk sentralbyrå, 1950)
- ↑ 4,0 4,1 Folkemengd i Polmak 1. januar kvart år frå 1951,frå Statistisk sentralbyrå Arkivert 2004-12-01 ved Wayback Machine.