Pratt Institute

	Pratt Institute
	;
Grunnlagt	1887
Stad	Brooklyn
Studentar	4 353 (september 2020)
Tilsette	1 637 (september 2020)
Nettstad	https://pratt.edu (engelsk)
; Pratt Institute; 40°41′28″N 73°57′50″W / 40.691111°N 73.963889°W

Pratt Institute er ein privat amerikansk høgskole i New York. Hovudcampusen ligg i Brooklyn, medan skulen har andre campusar på Manhattan og i Utica.^[1]

Historie

Pratt Institute blei grunnlagt i 1887, og dreiv då særleg med utdanning innan teknologi, arkitektur og kunst. I dag har det særleg fokus på arkitektur, interiørarkitektur og industriell formgjeving på kandidat- og magisternivå.

Pratt Institute blei grunnlagt og finansiert av oljemannen Charles Pratt (1830–1891) med middel som han hadde tent frå selskapa sine Astral Oil og Charles Pratt and Company. Pratt, som ikkje sjølv hadde fått høgskuleutdanning, ville gje arbeidarklasseungdommar høve til å studera på høgskolenivå. Han kjøpte inn land i heimbyen sin Clinton Hill, og lét oppføra eit skulebygg ved Clinton Avenue, to kvartal frå bustaden sin. Høgskolen var ein av dei fyrste i USA som var open for alle typar studentar.

Familien til Pratt har tatt aktiv del i drifta av skulen. Charles Pratt var den fyrste styraren for høgskolen, i 1887–1891. Han blei etterfølgd i stillinga av den eldste sonen sin, Charles Millard Pratt (1855–1935), i 1891–1893, og deretter av ein annan son, Frederic B. Pratt (1865–1945), i 1893–1937.

Høgskulen har eit av dei eldste offentlege biblioteka i USA.