Prinseøyane

Prinseøyane (tyrkisk Prens Adaları, eller oftare Kızıl Adalar, 'Dei raude øyane', eller berre Adalar; gammalgresk Πριγκήπων νήσοι Prinkēpōn nēsoi) er ei gruppe på ni øyar utanfor kysten av Istanbul i Tyrkia i Marmarahavet. Øyane utgjer distriktet Adalar (som tyder øyane) distrikt i provinsen Istanbul.

Prinseøyane
øygruppe
Land	Tyrkia
Del av	Provinsen İstanbul
Prinseøyane 40.8753°N 29.0944°E / 40.8753; 29.0944
Wikimedia Commons: Princes' Islands

Statue av Atatürk på Büyükada, den største av Prinseøyane.

Øygruppa består av fire større øyar, Büyükada (Storøya) med eit areal på 5,46 km², Heybeliada, Burgazada, Kınalıada og dei fem mindre øyane Sedef Adası, Yassıada, Sivriada, Kaşık Adası og Tavşan Adası.

Om sommaren er øyane populær turistmål frå Istanbul. Sidan det ikkje er trafikk på øya er den einaste transporten her hest og vogn. Øyane ligg berre ein kort båttur frå Istanbul. Dei fleste båtane legg til ved dei fire største øyane.

Historie

Ei gate på Büyükada.

I perioden under Austromarriket vart prinsar og andre kongelege sende i eksil til øyane, og sidan medlemmar av dei osmanske sultanfamiliane. Dette er opphavet til namnet til øyane. Øyane vart erobra av den osmanske flåten under omleiringa av Konstantinopel i 1453. På 1800-talet vart øyane eit populært feriemål for dei rike i Istanbul og fleire hytter og hus i victoriansk stil er framleis bevarte på dei større Prinseøyane.

Øyane har fått ein gradvis meir etnisk tyrkisk karakter på grunn av det kjem mange rike tyrkarar hit.

Bakgrunnsstoff

• 360 graders bilete av øya Arkivert 2011-03-06 ved Wayback Machine.

Reiseguide for Princes' Islands frå Wikivoyage