Ragnhild Jepsen
Ragnhild Jepsen (fødd 4. november 1969) er ein norsk teolog. I 2023 vart ho utnemnd til biskop i Bjørgvin bispedømme, som den første kvinna i dette embetet, 953 år etter at bispedømmet vart oppretta.
| Ragnhild Jepsen | |
| Statsborgarskap | Noreg |
| Fødd | 4. november 1969 (55 år) Ål |
| Yrke | teolog |
| Språk | nynorsk |
| Religion | Den evangelisk-lutherske kyrkja |
Karriere
endreJepsen er utdanna ved Menighetsfakultetet og vart ordinert som prest i Den norske kyrkja i 1997, i Ål kyrkje. Ho var kapellan i Åmot kyrkje i Hamar før ho kom til Nidarosdomen som kapellan i 2003. Tre år seinare vart ho sokneprest og i 2011 domprost i den same kyrkja.[1]
Ho brukar nynorsk både som forkynnar og formidlar. Ho vaks opp i Ål i Hallingdal, og er van med å snakke og skrive nynorsk.[2] I 2022 mottok ho Trønderlagets målpris, som den som gjorde mest for nynorsken i Trøndelag dette året. Laget grunngav tildelinga slik: «Trønderlaget grunngjev valet med at Jepsen viser gjennom både skrift og tale at nynorsk er eit språk som naturleg kan brukast i mange samanhengar.»[3]
Jepsen er opptatt av å gjere kyrkja relevant for flest mogeleg:[4]
| « | Me [sic] må vise at vi er relevante for folk og at vi har noko å kome med. I ei tid med krig og økonomisk krise er det viktig at vi som kyrkje snakkar til folk om dette, men vi må snakke sant og det må ha rot i kvardagen og i evangeliet. | » |
—Ragnhild Jepsen i intervju med avisa Hallingdølen. | ||
Kjelder
endre- ↑ N.N. (4. mars 2023). «Fakta». Hallingdølen: 20.
- ↑ «Historisk ny biskop i Bjørgvin». Nynorsk Pressekontor. 3. april 2023. «- Det er ein del av kven eg er, så den er eg lojal mot. Eg er vakse opp i Ål i Hallingdal og der snakka og skreiv vi nynorsk, så det har vore målet mitt heile livet.»
- ↑ «Målpris til Ragnhild Jepsen». NRK. 29. januar 2022. Henta 8. mars 2023.
- ↑ «Første kvinne i Bjørgvin». Hallingdølen: 19. 4. mars 2023.
- Denne artikkelen bygger på «Ragnhild Jepsen» frå Wikipedia på bokmål, den 8. mars 2023.
Bakgrunnsstoff
endre- «Ragnhild Jepsen». Bjørgvin bispedøme.
