Wikipedia

Ramingining

Raminging er eit samfunn av aboriginarfolk, hovudsakleg yolngufolk, i Nordterritoriet i Australia. Det ligg 560 kilometer aust for Darwin, ved kanten av Arafura-sumpen i Arnhem Land.

Ramingining
lokalsamfunn
Land  Australia
Folketal 872 (9. august 2016)[1]
Kart
Ramingining
12°19′42″S 134°55′41″E / 12.3283°S 134.928°E / -12.3283; 134.928

Wulkabimirri er ein liten busetnad (outstation/homeland) i nærleiken, og Murwangi, lenger sør, er ein del av Ramingining Homelands.[4] Marwuyu Gulparil, òg kjent som Gulparil Marwuyu eller berre Marwuyu, er eit anna avsidesliggande samfunn sør for Ramingining.

Historie endre

Samfunnet blei skipa i byrjinga av 1970-talet, og blei anerkjent som aboriginarland med gjennomføringa av Aboriginal Land Rights Act 1976. Staden blei registrert som administrativt område i 2007.[5]

Byen var saman med Murwangi kjelda for mange av skodespelarane i filmen Ten Canoes frå 2006.   Etter at filmen vekte interesse for yolngufolk og den australske aboriginarkulturen over heile verda, blei det oppretta eit utdannautdanningsprosjekt kjent som Twelve Canoes, i samarbeid med innbyggjarane i Ramingining, som inkluderer ein nettstad og tolv korte filmar.[6][7] Dei tolv segmenta blei vist på SBS TV i Australia, og er gjort tilgjengeleg på nettet.[8]

Folkesetnad endre

Folketalet i landsbyen ved folketeljinga i Australia i 2016 var 811. Djambarrpuyngu er hovudspråket i Ramingining, men det blir også tala gupapuyngu, ganalbingu, liyagalawumirr og burarra.[9][10] Den geografiske regionen (SA1) som definert av Australian Bureau of Statistics, som omfattar Ramingining og det vesle samfunnet Wulkabimirri, hadde ein folkesetnad på 1 025.[11]

Busetnader endre

Det finst ei rekkje små grender, kjende som outstations eller homelands, spreidde rundt i Ramningining. Nokre av desse er Yatalamarra, Wulkarimirra, Ngangalala, Mulgurram, Garanydjirr, Galadjapin, Gattji, Gelirri, Manbbirri, Bundatharri og Gurulul.[12]

Ein treng skriftleg løyve for å vitja Ramingining. Alkohol er forbode i Ramingining. Verken innbyggjarar eller vitjande kan drikka det.[13][14] Kava var tidlegare lovleg, men blei forbode i heile Nordterritoriet i august 2007 som ein del av dei føderale styresmaktene sin «Northern Territory National Emergency Response».[15]

Det finst ei flystripe på staden, Ramingining Airport, som blir nytta av Fly Tiwi. Byen har ei krambu, ein skole, ein politistasjon og ein helseklinikk.[10] Helseklinikken gjekk over til ein fellesskapsstyrt modell i 2018, og blir forvalta av Miwatj Health Aboriginal Corporation.[16]

Bula'bula Arts endre

Bula'bula Arts er eit kunstsenter drive av lokalsamfunnet som blei skipa på 1980-talet. Eigaren er Bula'bula Arts Aboriginal Corporation (BAAC), som blei skipa i 1989.[17] Lokale kunstnarar fastsette namnet, som tyder ‘røysta til Gandayala’[18] (også rapportert som Garrtjambal[17]), eller raud kjempekenguru, skaparen av Ramingining i Dreaming-mytologien.[19] I den lokale songlina drog Garrtjambal frå Roper-elva til Ramingining-området med ei melding (bula'bula). Denne soga er representert i ei rekkje medium: Biletkunst som trykk, måleri, skulpturar og fiberkunst, song og dans, film og skriftlege verk.[17]

I 1984 samarbeidde Djon Mundine, ein kurator, skribent, artist og aktivist frå bandjalungfolket, med Power Gallery of Contemporary Art ved University of Sydney (no Museum of Contemporary Arts Australia) om ei utstilling på over 200 kunstverk frå Ramingining, som seinare blei kjøpte av galleriet. Han blei kunstrådgjevar for Bula'Bula kort tid etter at samskipnaden blei oppretta. I 1988 fekk han ideen til verket Aboriginal Memorial, som blei skapt av 43 kunstnarar frå Bula'Bula i samband med tohundreårsjubileet til Australia. Verket er ein installasjon som består av 200 hole minnepåøar (også kalla log coffins, burial poles eller dupun), og er no på permanent utstilling ved National Gallery of Australia i Canberra.[20][18]

Kjelder endre

  1. ↑ 1,0 1,1 1,2 1,3 http://www.censusdata.abs.gov.au/census_services/getproduct/census/2016/quickstat/SSC70229.
  2. ↑ 2,0 2,1 2,2 «Ramingining»; vitjingsdato: 28. juni 2022.
  3. ↑ 3,0 3,1 3,2 https://www.abs.gov.au/census/find-census-data/quickstats/2021/UCL721013.
  4. ↑ «Murwangi». NT Government. Henta 14. mars 2021. 
  5. ↑ «Ramingining». NT Government. Henta 14 March 2021. 
  6. ↑ Lewis, Robert. Twelve Canoes: A Study Guide (PDF). Atom,Screen Australia, Australian Government. Arkivert frå originalen (PDF) 5. januar 2009. 
  7. ↑ «Twelve Canoes». Henta 14 February 2020. 
  8. ↑ «Twelve Canoes». Henta 14. februar 2020. 
  9. ↑ «2016 Census QuickStats: Ramingining». Henta 14. mars 2021. 
  10. ↑ 10,0 10,1 Government, Northern Territory. «Ramingining – Major». Henta 14 March 2021. 
  11. ↑ Government, Northern Territory. «Ramingining – Major». BushTel. Henta 14. mars 2021. 
  12. ↑ «Bula'bula Arts». Henta 27. august 2023. 
  13. ↑ «NT kava ban 'not to blame' for alcohol problems». ABC news. Henta 5. november 2008. 
  14. ↑ «Kava Management Plan for the Ramingining Kava Licence Area» (PDF). Government of the Northern Territory. Arkivert frå originalen (PDF) 24. august 2008. Henta 15. mars 2008. 
  15. ↑ «NT kava ban 'not to blame' for alcohol problems». ABC news. 3 September 2007. Henta 5. november 2008. 
  16. ↑ James, Felicity. «NT's largest Aboriginal community, Maningrida, takes control of local health service - ABC News». Henta 14 March 2021. 
  17. ↑ 17,0 17,1 17,2 «Bula'bula Arts Aboriginal Corporation». Henta 26. august 2023. 
  18. ↑ 18,0 18,1 «Ramingining art centre». Henta 26 August 2023. 
  19. ↑ «Ramingining art centre». Bula'Bula Arts. 20 January 2023. Henta 26 August 2023. 
  20. ↑ «Philip Gudthaykudthay - The Pussycat and the Kangaroo, curated by Djon Mundine OAM in association with Bula'bula Arts Aboriginal Corporation, Ramingining, at The Commercial, Sydney 27 Aug 2023-27 Aug 2023». Henta 27. august 2023. 
Henta frå «https://nn.wikipedia.org/w/index.php?title=Ramingining&oldid=3536813»