Rasmus Olai Mortensen

Rasmus Olai Mortensen (23. august 1869–30. juli 1934) var ein norsk gardbrukar og politikar for Venstre. Han var provianteringsminister 1921–1922 og sosialminister 1922–1923.

Rasmus Olai Mortensen
Fødd	23. august 1869 Bergen
Død	30. juli 1934 (64 år)
Statsborgar av	Noreg
Parti	Venstre
Yrke	politikar, bonde
Alle verv	Norges sosialminister (1922–1923) Norges provianteringsminister (1921–1922)

Mortensen var fødd og gjekk på skule i Bergen. Etter avslutta skulegang drog han til Spania, der han arbeidde i trevareforretning 1887–1896. Han dreiv deretter sagbruksforretning i Finland 1896–1902, og dreiv garden Nedre Bleiker i Asker frå 1902. Mortensen hadde ei rekkje offentlege og organisatoriske verv, mellom anna som nestformann i Norsk Landmandsforbund, representant i Selskabet for Norges Vel 1910–1930, styremedlem i Akershus Landhusholdningsselskap, styremedlem i Fellesslakteriet, styreformann i Landmandsposten frå 1913, og formann i Noregs Kreditforening for Land- og Skogbruk frå 1916.

Mortensen formann i Bærum og Follo Venstre ei tid, og dessutan medlem av Asker heradstyre 1907–1919 (varaordførar 1910–1916). Han var provianteringsminister 1921–1922 og sosialminister 1922–1923, begge i den andre regjeringa til Otto Blehr.

Kjelder

• Denne artikkelen bygger på «Rasmus Olai Mortensen» frå Wikipedia på bokmål, den 26. februar 2024.