Ray Clemence
Raymond Neal Clemence (5. august 1948–15. november 2020) var ein engelsk fotballspelar frå Skegness. Han var med om å vinne den engelske ligaen fem gongar og europacupen tre gongar som Liverpool-spelar, og både den europeiske UEFA-cupen og den engelske FA-cupen med Liverpool FC så vel som med Tottenham Hotspur. Clemence var Englands landslags-målvakt i 61 kampar.
.jpg) | |||
| Personleg informasjon | |||
|---|---|---|---|
| Fullt namn | Raymond Neal Clemence | ||
| Fødd | 5. august 1948 | ||
| Fødestad | Skegness i England | ||
| Død | 15. november 2020 (72 år) | ||
| Høgd | 183 cm | ||
| Posisjon | Målvakt | ||
| Seniorkarriere* | |||
| År | Lag | Kampar | (Mål) |
| 1965-1967 | Scunthorpe | 48 | (0) |
| 1967-1981 | Liverpool | 470 | (0) |
| 1981-1988 | Tottenham | 240 | (0) |
| Totalt | 758 | (0) | |
| Landslag | |||
| 1967-1971 | England U-23 | ||
| 1972-1983 | England | 61 | (0) |
| Trenar for | |||
| 1992-1993 | Tottenham (saman med Doug Livermore) | ||
| 1994-1995 | Barnet | ||
| * Seniorklubbkampar og mål berre telt for nasjonal liga | |||
Karriere
endreKlubbspel
endreClemence fekk sin ligadebut med tredjedivisjons-laget Scunthorpe United vårsesongen 1966. Sommaren 1967 vart han overført til Liverpool FC mot 18 000 pund. Dei tre fyrste sesongane fekk han lite speletid. Frå sesongstart i august 1970 hadde han burt på målvaktsplassen i 11 sesongar. Med Liverpool vann han i 1973 ligaen og UEFA-cupen, i 1974 FA-cupen og i 1976 på ny ligaen og UEFA-cupen. Våren 1977 tok han og Liverpool ligapokalen og for fyrste gong sigeren i den store europacupen. Året etter forsvarte Liverpool meistertittelen i europacupen, der etter vann laget ligaen i 1979 og 1980, før Clemence i 1981 var med på den tredje triumfen i europacupen for serievinnarar.
Sommaren 1981 skifta Clemence arbeidsgjevar. Han kosta Tottenham 300 000 pund og var der med om å vinne FA-cupen 1982, etter siger over Queens Park Rangers i finalen. To år seinare tok Tottenham seg til finalespel mot belgiske Anderlecht i UEFA-cupen, eit suksessfullt oppgjer Clemence ikkje tok del i, grunna skade. Ein akhilles-skade han fekk i ein fotballkamp i oktober 1987 gjorde at han la opp ved sesongslutt.
Landslagsspel
endreClemence vakta det engelske målburet i 61 landskampar frå november 1972 til november 1983. Under EM i fotball 1980 spelte han fyrste og siste kampen til England, Peter Shilton den mellomste. Den 9. september 1981 måtte Clemence og landslags-lagkameratane reise heim med tap frå Oslo, ettersom Noreg sigra med 2-1 i VM-kvalifiseringskamp på Ullevål stadion. Under Fotball-VM 1982 i Spania sleit Clemence reservebenken.
Merittar
endre- Vinnar av Europacupen: 1977, 1978 og 1981 med Liverpool FC
- Vinnar av UEFA-cupen: 1973 og 1976 med Liverpool FC, 1984 med Tottenham Hotspur
- Engelsk ligameister: 1973, 1976, 1977, 1979 og 1980 med Liverpool FC
- Vinnar av FA-cupen: 1974 med Liverpool FC og 1982 med Tottenham Hotspur
Kjelder
endre- Denne artikkelen bygger på «Ray Clemence» frå Wikipedia på engelsk, den 17. august 2019.
- eu-football