Reidar Strømdahl

Reidar Strømdahl
	Reidar Strømdahl
Fødd	12. mai 1913
Død	31. desember 2006 (93 år)
Statsborgar av	Noreg
Parti	Arbeidarpartiet
Yrke	politikar
Alle verv	stortingsrepresentant (1950–1954); stortingsrepresentant (1954–1958); stortingsrepresentant (1958–1961); stortingsrepresentant (1961–1965); stortingsrepresentant (1965–1969) ;

Reidar Strømdahl (12. mai 1913–31. desember 2006) var ein norsk byråkrat og stortingsrepresentant frå Skoger i Buskerud.

Strømdahl var son til ein snikkar. Sjølv utdanna han seg i handel og rekneskap. Frå 1936 var han tilsett i Riksrevisjonen, sidan 1959 som byråsjef. I 1968 vart han direktør ved Lier sjukehus, ei stilling han hadde til 1983.

Strømdahl var stortingsrepresentant for Arbeidarpartiet i fem periodar frå 1950 til 1969. Dei første fire periodane var han innvald frå Vestfold, den siste perioden frå Buskerud. I alle år på Stortinget var han medlem av justiskomiteen, siste fireårsperioden som sekretær. Han var visesekretær for Stortinget frå mai 1956 til januar 1959.

Frå unge år hadde han ei rad offentlege verv, samt tillitsverv i organisasjonar og parti.

Kjelder

Norsk Allkunnebok. X. Bandet. 1965
Stortinget.no