Den svenske riksdagen

«Riksdagen» omdirigerer hit. For andre tydingar, sjå riksdag.

Den svenske riksdagen (svensk Sveriges riksdag), ofte berre kalla Riksdagen, er den lovgjevande forsamlinga i Sverige. Det har eitt kammer og følgjer parlamentarismen. Det blir leia av ein talman (lik stortingspresident) som blir vald av riksdagen etter kvart riksdagsval. Den svenske riksdagen held til i Riksdagshuset i Stockholm.

Sveriges riksdag
Kammer	Eit
Leiarskap
	Andreas Norlén
Struktur
Representantar	349
Møtestad
Riksdagshuset
Nettstad
https://riksdagen.se

Plenisalen i Riksdagshuset.

Riksdagsval blir haldne andre søndagen i september kvart fjerde år. Arbeidsåret til riksdagen byrjar vanlegvis tredje tirsdagen i september med Riksmötets öppnande, men i valår skjer dette noko seinare.

Riksdagen har 349 medlemmer som sit i fireårsperiodar. For at eit parti skal kunna få plass i riksdagen, treng det ei oppslutting på minst fire prosent av stemmene, eller tolv prosent i minst ein valkrets. Mandatfordeling skjer ved Sainte-Laguë-metoden med innslag av utjamningsmandat.

Den svenske regjeringa går ut frå og er ansvarleg for riksdagen. Når ei ny regjering skal skipast rådfører talmannen seg med partileiarane og føreslår så ein statsminister som riksdagen stemmer over. Riksdagen kan reisa mistillitsforslag mot regjeringa eller enkeltstatsrådar. Ved mistillit kan statsministeren skriva ut nyval, bortsett frå i ein tremånadersperiode etter eit val. Desse ekstra vala innverkar ikkje på dei vanlege fireårsperiodane.

Kjelder

• Berg, Ole T. «Sveriges politiske system» (26. april 2013), Store norske leksikon.

---

• Delar av denne artikkelen bygger på «Sveriges riksdag» frå Wikipedia på bokmål, og «Sveriges riksdag» frå Wikipedia på svensk den 20. desember 2014.

Bakgrunnsstoff

• Offisiell nettstad
  Denne samfunnsartikkelen som har med Sverige å gjere, er ei spire. Du kan hjelpe Nynorsk Wikipedia gjennom å utvide han.