Ringerike sjukehus
Ringerike sjukehus er eit lokalsjukehus i Hønefoss for eit geografisk område som strekker seg frå øvst i Hallingdal til Modum i Buskerud, og femnar dessutan om fleire kommunar i Oppland. Sjukehuset har akuttfunksjon, fødeavdeling og dialysepost, og har spesialistar i gynekologi og fødselshjelp, generell kirurgi, gastro-enterologisk kirurgi og urologi, ortopedi, indremedisin, kardiologi, onkologi. Sjukehuset høyrer inn under helseføretaket Vestre Viken HF i region Helse Sør-Aust. Innanfor det geografiske området til Ringerike sjukehus har helseførestaket òg underavdelinga Hallingdal sjukestugu på Ål i Hallingdal.
