Ringsted

Ringsted er ein by midt på øya Sjælland i Danmark. Byen har 22 941 ibuarar (2021) og er administrasjonssenter i Ringsted kommune.

Ringsted
by
Den gamle børsen i Ringsted
Land	Danmark
Region	Region Sjælland
Kommune	Ringsted kommune
Folketal	21 423  (2013)
Tidssone	CET
Ringsted 55.4406°N 11.7936°E / 55.4406; 11.7936
Wikimedia Commons: Ringsted (Midtsjælland)

Ringsted, som ligg 54 meter over havet, var ein sentral by i mellomalderen med Sjællands hovud-tingstad. Biskopen i Roskilde fekk frå ikring 1080 bygt ei steinkyrkje. St. Bendts kyrkje frå 1163 er mellom dei eldste teglsteins-bygningane i Danmark. Den første kongekryninga i Danmark fann stad her i 1170.

Ringsted fekk byrettar i 1441. Frå 1500-talet stagnerte utviklinga i byen og skaut ikkje fart før det i 1856 kom jarnbanesamband med København. Ringsted ligg i dag sentralt ved hovudjarnbanen og motorvegen til København, om lag 60 kilometer unna.

Danish Crown sitt svineslakteri i Ringsted er eit av landets største slakteri.

Ringsted er venskapsby med Halden.

Kjelder

• Ringsted i Store norske leksikon

Bakgrunnsstoff

Commons har multimedium som gjeld: Ringsted

• Offisiell nettstad