Rishi Sunak
Rishi Sunak (fødd 12. mai 1980) er ein britisk konservativ politikar. Han er medlem i det britiske parlamentet, og har tidlegare vore finansminister. Sunak er den 54. statsministeren i Storbritannia.
| Rishi Sunak | |||
.jpg) | |||
| Fødd | 12. mai 1980 (43 år) Southampton | ||
|---|---|---|---|
| Statsborgar av | Storbritannia | ||
| Parti | Det konservative partiet i Storbritannia | ||
| Yrke | politikar, finansanalytiker | ||
| Institusjonar | Goldman Sachs The Children's Investment Fund Management | ||
| Utdanna ved | Stanford University Lincoln College Stanford Graduate School of Business Winchester College | ||
| Mor | Usha Sunak | ||
| Far | Yashvir Sunak | ||
| Ektefelle | Akshata Murty | ||
| Alle verv |
| ||
Bakgrunn endre
Rishi Sunak studerte politikk, filosofi og økonomi ved universitetet i Oxford. Han studerte òg MBA ved universitetet i Stanford.[1]
Han vart vald inn i det britiske parlamentet i 2015 som medlem av det konservative partiet, for valkrinsen Richmond i North Yorkshire.[2]
Sunak har vore finansminister frå 2020 til 2022, og sjefssekretær for finansdepartementet frå 2019 til 2020.[3]
Etter at Boris Johnson trekte seg 7. juli 2022 som partileiar og statsminister,[4] vart Sunak ein leiarkandidat. Han og Liz Truss vart dei to gjenståande kandidatane til å taka over i eit val gjort av medlemmane i partiet. Den 5. september 2022 vart det kunngjort at Truss hadde vunne leiarvalet med 81 326 røyster mot Sunak sine 60 399.[5]
Etter at Liz Truss trakk seg frå stillinga etter berre seks veker, melde Sunak seg att som kandidat, og vann. Han vart dermed partileiar og statsminister i Storbritannia.[6]
Sunak er gift med Akshata Murthy, og saman har dei to døtrer.
Kjelder endre
- ↑ «About Me», Rishi Sunak (på engelsk), henta 20. oktober 2022
- ↑ «Rishi Sunak» (på engelsk). UK Parliment. Henta 20. oktober 2022.
- ↑ «The Rt Hon Rishi Sunak MP», GOV.UK (på engelsk), henta 20. oktober 2022
- ↑ «Boris Johnson resigns; Tom Tugendhat confirms his candidacy as successor – as it happened», the Guardian (på engelsk), 7. juli 2022, henta 20. oktober 2022
- ↑ «Truss wins Tory leadership race and faces daunting challenge as PM», The Independent (på engelsk), 5. september 2022, henta 20. oktober 2022
- ↑ Ottesen, Oda Eggesbø (24. oktober 2022), «Sunak leiar overlegent i den britiske statsministerkampen», NRK, henta 24. oktober 2022