San Sebastián
Donostia-San Sebastián (baskisk Donostia, spansk San Sebastián, offisielt kalla Donostia-San Sebastián) er provinshovudstaden i provinsen Gipuzkoa i Baskarland i Spania. Innbyggjarane kallar seg sjølve donostiarras. Byen har kring 180 000 innbyggjarar. og eit storbyområde som omfattar i overkant av 400 000 innbyggjarar.
| San Sebastián | |||||
|---|---|---|---|---|---|
 | |||||
| |||||
| Kallenamn «Sanse, San Seb, La Bella Easo» | |||||
| Motto «Por fidelidad, nobleza y lealtad ganadas» (Vunne ved truskap, adelskap og lojalitet) | |||||
| Plassering | |||||
  | |||||
| Styresmakter | |||||
| Land |  Spania
| ||||
| Autonom region | Baskarland | ||||
| Provins | Guipúzcoa | ||||
| Grunnlagd | 1180 | ||||
| Borgarmeister | Eneko Goia | ||||
| Geografi | |||||
| Flatevidd - By |
60,89 km² | ||||
| Innbyggjarar - Totalt (2008) - folketettleik |
184 248 3 025,9 /km² | ||||
| Koordinatar | 43°19′N 1°59′W / 43.317°N 1.983°W | ||||
| Høgd over havet | 6 moh | ||||
| Diverse annan informasjon | |||||
| Postnummer | 20001 - 20018 | ||||
| Telefon-retningsnummer | +34 943 | ||||
| Nettstad: www.sansebastian.es | |||||
Byen ligg nord i Baskarland på sørsida av Biscayabukta ved munningen av elva Urumea.
Byen er som dei fleste kystbyar prega av fiske og pittoreske hamnekvarter, men der fiskebodane låg før finst i dag eksklusive fisk- og skalldyrsrestaurantar.
Dei sentrale delane av byen og strandpromenadane går i viktoriansk arkitektur - byen var rundt førre hundreårsskifte ein stor turistby for den spanske kongefamilien og adelskapet.
Kvart år vert det halde ein stor festival i byen, semana grande, med tyrefekting, festivaltog og aktivitetar som konserter, tivoli og rokonkurransar (ein spesiell rosport som er nasjonalsporten i Baskarland der rostjernene er omtrent like kjende i Baskerland som store fotballstjerner i andre land). Byen er òg kjent for den internasjonale filmfestival kvar haust.
Ei årsak til at San Sebastian er eit av dei store turistmåla i Baskarland er dei to store sandstrendene som strekkjer seg ut på kvar side av sentrum. La Concha («skjelet») er den største av strendene. Den andre stranda, som ligg utanfor bydelen Gross, er den meir ungdommelege stranda. Ho er kjent for dei store bølgjene og gode surfehøve. Ungdomskulturen i byen er sterkt prega av surfing.
Kjelder
endre- Denne artikkelen bygger på «San Sebastián» frå Wikipedia på bokmål, og «San Sebastián» frå Wikipedia på engelsk den 30. oktober 2009.
