Scott Asheton
Scott «Rock Action» Asheton (16. august 1949–15. mars 2014)[1] var ein amerikansk trommeslagar, mest kjend frå rockebandet The Stooges. I tillegg til Iggy Pop var Asheton det einaste medlemmet som var med i the Stooges heile vegen.
| Scott Asheton | |||
 | |||
| Fødd | 16. august 1949 | ||
|---|---|---|---|
| Fødestad | Washington, D.C. i USA | ||
| Død | 15. mars 2014 (64 år) | ||
| Dødsstad | Ann Arbor | ||
| Alias | «Rock Action» | ||
| Opphav | USA | ||
| Aktiv | 1967 til 2014 | ||
| Sjanger | Protopunk, garage rock, hardrock, psykedelisk rock, punkrock, Detroit rock | ||
| Instrument | Trommer | ||
| Tilknytte artistar | The Stooges, Sonic's Rendezvous Band, Iggy Pop, Sonny Vincent, Destroy All Monsters, Dark Carnival | ||
| Plateselskap | Elektra, Columbia, Virgin | ||
| Verka som | Musikar, trommeslagar | ||
Asheton var med på å starte The Stooges i 1967 i lag med den eldre broren Ron, Iggy Pop og Dave Alexander. Dei spelte inn to album, før besetninga endra og dei gav ut Raw Power i 1973. Bandet vart oppløyst året etter.
Scott Asheton var ein av få medlemmar frå bandet som spelte med Iggy Pop som soloartist, noko han gjorde under ein europaturne i 1978.[2] Asheton spelte òg trommer med Scott Morgan i fleire band, som Scott Morgan Band, Scots Pirates, og mest kjend Sonic's Rendezvous Band.[3] Han spelte så trommer i ei sein utgåve av Destroy All Monsters, under namnet Dark Carnival.[4] Han har òg spelt mykje med Sonny Vincent, og spelte trommer på fire studioalbum med Captain Sensible på bass.
The Stooges vart samla att i 2003, og han var aktiv i bandet til han døydde i 2014, 64 år gamal.
Kjelder
endre- Denne artikkelen bygger på «Scott Asheton» frå Wikipedia på engelsk, den 14. oktober 2011.
- Wikipedia på engelsk oppgav desse kjeldene:
- ↑ Andy Greene; «Stooges Drummer Scott Asheton Dead at 64», rollingstone.com, 16. mars 2014
- ↑ European Tour 1978 with Iggy Pop: from Gary Rasmussen's clippings at the EldarEntertainment.com website.
- ↑ Collaboration with Scott Morgan, in between Stooges incarnations: Scott Morgan Music website.
- ↑ Asheton's involvement Arkivert 2008-12-01 ved Wayback Machine. in the "Dark Carnival" project: review at i94bar.com website