Seher Aydar

Seher Aydar (fødd 10. september 1989) er ein tyrkisk-norsk politikar som sidan 2021 representerer Oslo og partiet Raudt på Stortinget.

Seher Aydar
Fødd	10. september 1989 (35 år) Tyrkia
Statsborgar av	Noreg
Parti	Raudt
Yrke	politikar
Alle verv	vararepresentant til Stortinget (2017–2021) stortingsrepresentant (2021–)

Aydar er fødd i Tyrkia og er kurdisk-ætta. Ho kom til Noreg då ho var 11 år gammal og voks opp i Fredrikstad. Der arbeidde ho seinare i barnehage og engasjerte seg i politikken for Raud Ungdom. I 2010 vart ho vald til generalsekretær i Raud Ungdom. Landsmøtet til ungdomspartiet i april 2012 valde henne til leiar av Raud Ungdom, noko ho var i 2 år.

Etter å ha vore vararepresentant til Stortinget 2017–2021, fekk Aydar fast plass på Stortinget 2021–2025. Veljarane i Oslo gav ved stortingsvalet 2021 partiet Raudt to sete i Stortinget, Aydar slo såleis fylgje med partileiaren Bjørnar Moxnes. På Stortinget er Aydar medlem i Helse- og omsorgskomitéen og i Kontroll og konstitusjonskomitéen.

Kjelder

• «Seher Aydar». Stortinget.no. 

Bakgrunnsstoff

Commons har multimedium som gjeld: Seher Aydar

• Seher Aydar i roedt.no