Sierra de Francia

Sierra de Francia er ei fjellkjede sør i provinsen Salamanca i Castilla y León i Spania. Ho ligg om lag 70 km frå provinshovudstaden Salamanca.

Las Batuecas-Sierra de Francia naturpark

Skumring i Sierra de Francia

Det meste av Sierra de Francia har vore ein del av nasjonalparken Parque Natural de Las Batuecas-Sierra de Francia sidan 1978. I lag med nabofjella Sierra de Béjar utgjer dei eit biosfærereservat.

Geografi

Sierra de Francia er ei av fjellkjedene som høyrer til Sistema Central. Dei skogkledde fjellsidene (or, eik, furu og ask) stig opp frå det nordlege Castillaplatået, og markerer den geografiske grensa for dei sørvestlege slettene på platået (Llanura Salmantina). Frå sørsida av fjellkjeda ligg Las Hurdes.

Sierra de Francia består av fleire moderat høge fjell med Pico de La Hastiala (1735 moh) som det høgaste. På toppen av Peña de Francia (1723 moh) står eit av dei høgaste heilagdomane for Jomfru Maria i verda, samt ei TV-antenne. Andre fjell i fjellkjeda er Mesa del Francés (1638 moh) og Pico Robledo (1614 moh). Alle desse toppane er vanlegvis snødekte om vinteren.

Av dalar i fjellkjeda er den mest kjende Rio Francia, som har gjeve namn til fjellkjeda, samt Alagón.

Kjelder

• Denne artikkelen bygger på «Sierra de Francia» frå Wikipedia på engelsk, den 12. mai 2009.
  • Wikipedia på engelsk oppgav desse kjeldene:
  • Diputación de Salamanca - Turismo - Sierra de Francia. Arkivert 2009-03-12 ved Wayback Machine.
  • Web de Turismo de la Junta de Castilla y León. Arkivert 2007-09-27 ved Wayback Machine.
  • Ruta por el Parque Natural Las Batuecas-Sierra de Francia. Arkivert 2009-02-01 ved Wayback Machine.
  • Patrimonio Natural de Castilla y León Arkivert 2008-02-20 ved Wayback Machine.