Sikhote-Alin
Sikhote-Alin (russisk Сихотэ-Алинь) er ei fjellkjede i Primorskij og Khabarovsk kraj i Russland som strekkjer seg om lag 900 km nordaustover frå den russiske stillehavsbyen Vladivostok. Dei høgaste fjelltoppane er Tordoki Jani (2077 moh), Ko (2003 moh) i Khabarovsk kraj og Anik (1933 moh) i Primorskij kraj.
| Sikhote-Alin | |||
| fjellkjede | |||
 | |||
| Land |  Russia
| ||
|---|---|---|---|
| Høgaste punkt | Tordoki Yani | ||
| Høgd | 2 090 m | ||
 Sikhote-Alin 45°19′59″N 136°10′01″E / 45.333°N 136.167°E | |||
| Wikimedia Commons: Sikhote-Alin | |||
Sikhote-Alin utgjer ein av dei mest særeigne tempererte sonene i verda. Artar som er vanlege for nordleg taiga (som reinsdyr og brunbjørn) lever side om side med tropiske artar som amurleopard, sibirsk tiger og himalayabjørn. Det er lite ulv i regionen på grunn av konkurranse frå tigrane.[1] Det eldste treet i regionen er eit tusen år gammalt japansk barlind.[2]
I 1910- og 1920-åra vart Sikhote-Alin utforska av Vladimir Arsenjev (1872–1930). Han skildra reisene sine i fleire bøker, mellom anna Dersu Uzala (1923), som i 1975 vart ein oscarvinnande film av Akira Kurosawa. Det store Sikhote-Alin og Lazoreservatet vart i 1935 oppretta for å bevare det unike dyrelivet i regionen.
I 2001 vart Sikhote-Alin ein del av verdsarva til UNESCO. Verdsarvområdet dekkjer eit areal på 16 319 km².[3] I dette areal ligg ei kjernesone som berre kan vitjast i lag med følgje.
Bakgrunnsstoff
endreKjelder
endre- Denne artikkelen bygger på «Sikhote-Alin» frå Wikipedia på engelsk, den 4. september 2008.
- Wikipedia på engelsk oppgav desse kjeldene:
- ↑ «Tigers og Wolves in the Russisk Far East: Competitive Exclusion, Functional Redundancy og Conservation Implications». savethetigerfund.org. Henta 28. september 2008.
- ↑ arkivkopi, arkivert frå originalen 29. september 2007, henta 4. september 2008
- ↑ «Natural site datasheet from WCMC».