Sirið Stenberg
Sirið Stenberg (fødd 26. mai 1968) er ein færøysk politikar og sjukepleiar. Ho er sosial- og kulturminister på Færøyane frå desember 2022. Ho representerer partiet Tjóðveldi.
| Sirið Stenberg | |||
 | |||
| Fødd | 26. mai 1968 (56 år) Vágur | ||
|---|---|---|---|
| Statsborgar av | Kongeriket Danmark | ||
| Parti | Tjóðveldisflokkurin | ||
| Yrke | politikar, sjukepleiar | ||
| Ektefelle | Jón Pauli Olsen | ||
| Verv | Sosial- og kulturminister på Færøyane 22. desember 2022 | ||
| Føregangar | Sólvit E. Nolsø (sosial) og Jenis av Rana (kultur) | ||
| Verv | Helse- og innanriksminister på Færøyane 15. september 2015–16. september 2019 | ||
| Føregangar | Karsten Hansen | ||
| Etterfylgjar | Kaj Leo Johannesen | ||
| Verv | Lagtingsmedlem 29. oktober 2011– | ||
| Alle verv |
| ||
Liv og virke
endreStenberg er utdanna sjukepleiar med vidareutdanning i nyføddsjukdommar, amming og helsefremjande og sjukdomsførebyggjande arbeid for barn og unge.[1]
Stenberg var sjukepleiar ved sjukehuset i Hvidovre før ho vende tilbake til Færøyane og byrja i heimesjukepleien. I 2001 blei ho helsesyster på Suðuroy. Frå 2006 til 2008 var ho konstituert som leiar ved fagutdanninga for helse- og omsorgsarbeidarar på Færøyane.[1]
Politisk arbeid
endreStenberg blei fyrste gong vald inn i kommunestyret i Vágs kommuna i 2008 og på Lagtinget i 2011. I perioden 2011–2015 var ho formann i Lagtingets kontrollkomité.[1]
Frå 2015 til 2019 var Stenberg helse- og innanriksminister i den fyrste regjeringa til Aksel V. Johannesen. Mens Stenberg sat i regjering, møtte hennar kusine Óluva Klettskarð på Lagtinget.[2][3]
Då Stenberg gjekk tilbake til tinget etter valet i 2019, blei ho nestformann i Lagtingets velferdskomité og medlem av Lagtingets justiskomité. Etter valet i desember 2022 blei ho på nytt medlem av regjeringa.
Privatliv
endreStenberg er gift med Jón Pauli Olsen, som var landslagstrenar for det færøyske kvinnelandslaget i fotball.[4] Paret har tre barn saman.[5]
Kjelder
endre- ↑ 1,0 1,1 1,2 «Sirið Stenberg» (på færøysk). Lagtinget. Arkivert frå originalen 27. august 2018.
- ↑ «Óluva Klettskarð» (på færøysk). Tjóðveldi. Arkivert frå originalen 25. februar 2021. Henta 19. mai 2020.
- ↑ «Óluva Elin Klettskarð» (på færøysk). Slekt og ættarbond í Suðuroy. Henta 19. mai 2020.
- ↑ faroesoccer.com
- ↑ logting.fo, Sirið Stenberg
- Denne artikkelen bygger på «Sirið Stenberg» frå Wikipedia på bokmål, den 29. mars 2024.