Sjur Røthe

Sjur Røthe (fødd 2. juli 1988) er ein norsk langrennsløpar frå Voss. Han vann bronsemedaljen på 30 km i ski-VM 2013 i Val di Fiemme. I noregsmeisterskapane har han sikra seg tre bronsemedaljar; 2010, 2012 og 2013.

Sjur Røthe
Statsborgarskap	Noreg
Fødd	2. juli 1988 (36 år) Voss herad
Idrett	langrenn
Tok del i	Vinter-OL 2014, Ski-VM 2011, Ski-VM 2013, Ski-VM 2015, Ski-VM 2017, Ski-VM 2019, Ski-VM 2021, Ski-VM 2023

Aktiv

Røthe debuterte i verdscupen i langrenn på tampen av 2009-sesongen. 7. mars 2010 gjekk han ein etappe på det norske andrelaget som vann verdscupstafetten i Lahti, framom det norske fyrstelaget. Under NM på ski 2010 tok han bronse på 15 km fristil.

I opningsrennet i verdscupen for 2010/11 vart han nummer sju på ein 15 km i Gällivare. Han deltok i tre øvingar i Ski-VM 2011 i Oslo. På 30 km fellesstart vart han nummer 14, medan han på den avsluttande femmila var med tetgruppa inn til mål og overraska med å kome på fjerdeplass. Hans beste internasjonale prestasjon i 2012-sesongen var ein fjerdeplass i 30 km i Lahti. I NM på heimebane på Voss kom han på tredjeplassen på 30 km fellesstart.

Gjennom 2012/13-sesongen makta Røthe å kjempe mellom dei beste i verda i fleire renn. Han vart nummer fem individuelt i Gällivare opningshelga i verdscupen, og gjekk dagen etter det norske laget i mål som vinnarar av stafetten. Midt i desember 2012 kom han på andreplassen i 15 km fellesstart i Canmore i Canada, og vart dagen etter på same staden nummer tre på 30 km fellesstart duathlon. Røthe vann i januar månad si tredje NM-bronse på 15 km i fristil. I verdsmeisterskapen på ski 2013 i Val di Fiemme var Røthe mellom dei aller fremste i innspurten på 30 km fellesstart. Han enda opp med bronsemedaljen, slått på målstreken av sølvvinnaren Martin Sundby.

Medaljar og besteplasseringar i noregsmeisterskap

• Ski-NM 2009:
• Ski-NM 2010: Bronsemedalje i 15 km fristil i Stokke
• Ski-NM 2011: Nr 4 på 15 km i Steinkjer
• Ski-NM 2012: Bronsemedalje i 30 km på Voss
• Ski-NM 2013: Bronsemedalje på 15 km på Vang
• Ski-NM 2014: Sølvmedalje på 30 km på Lillehammer
• Ski-NM 2015: Bronsemedalje på 15 km på Røros
• Ski-NM 2016: Sølvmedalje på 30 km og 50 km
• Ski-NM 2017: Nr 4 på 30 km på Gran
• Ski-NM 2018: Gullmedalje på 10 km og 50 km i Alta
• Ski-NM 2019: Sølvmedalje på 30 km i Meråker
• Ski-NM 2020:
• Ski-NM 2021: Gull på 15 km og bronse på 30 km i Trondheim
• Ski-NM 2022: Nr 4 på 30 km på Gran
• Ski-NM 2023: Nr 5 i 15 km fristil på Gjøvik

Kjelder

• (en) Sjur Røthe – Profil og resultatoversikt hos FIS
• Sportsboken, aktuelle årgangar