Skotholmen på Fedje
Skotholmen (uttale skåthålmen) er ein holme og ein gard nordvest i Fedje kommune. Han er den nordlegaste garden på Fedje og er knytt til Moldøyna i søraust ved ei vegfylling. Holmen ligg på nordsida av Kyrkjevågen og nordaust for Mulen. Nord for Skotholmen ligg Moldøyosen, som er innseglinga til hamna på Fedje frå Fedjefjorden i vest.
| Skotholmen | |||
| stad | |||
| Land |  Noreg
| ||
|---|---|---|---|
| Fylke | Vestland | ||
| Kommune | Fedje | ||
| Postnummer | 5947 FEDJE | ||
| Gardnummer | 170 | ||
 Skotholmen 60°47′14″N 4°42′38″E / 60.78716°N 4.71061°E | |||
Namnet «Skot» kjem truleg av «skjota» eller skyta, det vil sei eit framspring av land eller ei høgd som skyt i vêret.[1] Det står mellom anna ein knaus på Skotholmen som skulle passa bra til denne skildringa.
Namnet har òg vorte skrive Stokholm i skriftlege kjelder, og det er denne stavinga som er nytta som slektsnamn i dag. I dei skriftlege kjeldene har namnet varieret mykje oppgjennom hundreåra: Schodeholmen, Skotholm, Schottholm, Schodtholm, Schotholmen, Skaatholmen, Stockholmen, Stocholmen, Stocholmen, Stokholm, Stochhlomb og Stocholm. I kyrkjebøkene vart i tillegg namnet Stefholmen nytta på 1700-talet, og på 1800-talet nytta prestane òg namnet Vågen.
Garden vart nemnd første gongen i 1590.
Kjelder
endre- Arvid Skogseth (1997). Fedje og folket: Gards- og ættesoge for Fedje. Fedje kommune.
Fotnotar
endre- ↑ Oluf Rygh (1910). Norske Gaardnavne 11. s. 427.