Slimhinne
(Omdirigert frå Slimhud)
Ei slimhinne eller mucosa (av latin tunica mucosa) er ei fuktig kroppshinne som i hovudsak oppstår frå endoderm. Den er samansett av epitel og eit tynt lag av bindevev kalla lamina propria mucosae.[1] Slimhinnene dekker mange av kroppsholene og nokre av dei indre organa. Mange plassar er dei samanhengande med huden, til dømes i nasebora, leppene i munnen, augeloka, øyrene, kjønnsorgana og i endetarmsopninga.
Det finst slimhinner i klitorishovudet og klitorishetta hjå kvinner, og i penishovudet og den indre delen av forhuden hjå menn. Urinrøyret er òg trekt med slimhinner. Nokre slimhinner er involvert i absorpsjon og sekresjon. Den tjukke væska som blir skild ut av slimhinnene og tilknytte kjertlar blir kalla slim (mukus).
Døme på slimhinner
endre- Kinnslimhinne (òg kalla bukkal slimhinne)
- Bronkialslimhinne og hinnene i stemmebanda
- Endometrium er slimhinna i livmora
- Spiserøyrsslimhinne (òg kalla øsofagusslimhinne)
- Mageslimhinne
- Tarmslimhinne
- Naseslimhinne
- Lukteslimhinne
- Munnslimhinne
- Penisslimhinne
- Vaginaslimhinne
Sjå òg
endreKjelder
endre- Denne artikkelen bygger på «Mucous membrane» frå Wikipedia på engelsk, den 20. februar 2015.
- ↑ Holck, Per (22. januar 2015). «slimhinne». Store medisinske leksikon. Henta 20. februar 2015.