Slindebjørka

61°9′40.406″N 6°56′31.729″E

Slindebjørka
Måleriet Slindebirken av Fearnley frå 1839, det best kjente av fleire bilde av dette motivet.
Art	bjørk
Land	Noreg
Slindebjørka 61.161224°N 6.942147°E / 61.161224; 6.942147

Slindebjørka eller Slindebirken var eit bjørketre som stod på garden Indre Slinde i Sogn til det bles ned i ein storm i 1874. Treet var eit populært motiv for nasjonalromantiske kunstnarar og diktarar.

Treet stod på Hydneshaugen, ein gravhaug frå 400-talet. Haugen blei rekna som heilag. Ifølgje tradisjonen helte gardfolket ei kanne øl over røtene til treet kvar julaftan, og det var aldri kome «kvast» (dvs. øks eller kniv) på treet.

Nasjonalromantikk

I.C. Dahl sitt vinterbilde av Slindebirken frå 1838. Heng no i Ny Carlsberg Glyptotek

I norsk nasjonalromantisk kunst på første halvdel av 1800-talet var Slindebjørka eit populært motiv. Nærleik til slagstaden på Fimreite i fjorden gav også staden appell til nasjonalromantikarane.

Ho blei måla av Thomas Fearnley, I.C. Dahl og Johannes Flintoe. I.C. Dahl måla sitt første bilde av treet i 1831. I dette bildet la han til ein bautastein, sjølv om det ikkje finst nokon slik stein på denne staden på Slinde. Fearnley måla sitt kjende bilde Slindebirken i 1839. Han var truleg inspirert av I.C. Dahl og Caspar David Friedrich, og bildet var send inn som prøvearbeid for å bli medlem av direksjonen ved Den kongelige Tegneskole, som også var direksjon for Nasjonalgalleriet. Fearnley-bildet «Slindebirken» blei motiv for eit frimerke gjeve ut av Posten i 1972.

Johan Sebastian Welhaven skreiv diktet «Det fredede træ» om Slindebjørka.

Ved Sognefjorden paa gaarden S l i n d e,

der er den stolteste birk at finde;

paa Hydneshoug, over kjæmpens ben,

strækker den vidt sin kraftige gren

og holdes i ære

og kan sin alder mod skyen bære

Kjelder

• Denne artikkelen bygger på «Slindebirken» frå Wikipedia på bokmål, den 26. juni 2018.

Bakgrunnsstoff

• Fearnley sitt bilde i Google Art Project