Songen Toys in the Attic
| Toys in the Attic Singel av Aerosmith frå albumet Toys in the Attic | ||
| A-side | ||
|---|---|---|
| Utgjeve | 11. november 1975 | |
| Innspelt | Januar og februar 1975 | |
| Studio | Record Plant Studios i New York | |
| Sjanger | Hardrock, heavy metal, proto-punk | |
| Lengd | 3:05 | |
| Selskap | Columbia | |
| Låtskrivar(ar) | Steven Tyler og Joe Perry | |
| Produsent | Jack Douglas | |
| Aerosmith-kronologi | ||
| «You See Me Crying» (1975) |
Toys in the Attic | «Last Child» (1976)
|
«Toys in the Attic» er ein song av det amerikanske rockebandet Aerosmith, skriven av Steven Tyler og Joe Perry. Det er den første songen og tittelsporet på det tredje albumet deira, Toys in the Attic, som var det bestseljande studioalbumet deira i USA. Han kom ut som B-sida til singelen «You See Me Crying» i 1975.
Mottaking
endreUltimate Classic Rock-kritikaren Michael Gallucci rangerte gitar-riffet til Perry i songen som det tiande beste av Aerosmith, og sa òg at Perry sin «heftige solo læt tøffare og sintare enn vanleg. »[1]
Andre versjonar
endreSongen finst òg på to av konsertalbuma til bandet, Live! Bootleg (1978) og Classics Live II (1987). Han kom òg ut som bonusspor på nokre utgåver av den karrierespennande samlinga O, Yeah! Ultimate Aerosmith Hits (2002).
Coverversjonar
endreR.E.M. spelte inn ein versjon av songen i 1986 som ei B-side til singelen «Fall on Me». Denne er å finna på Dead Letter Office, der gitaristen Peter Buck seier at songen «...var alltid morosam å spela live.».
Han har òg vorte spelt av The Answer, Black Happy, Metal Church, Warrant, Ratt og Roadsaw.[2]
Stephen Pearcy, Tracii Guns, Phil Soussan og Aynsley Dunbar framførte songen på hyllestalbumet til Aerosmith, Not the Same Old Song and Dance (Eagle Records, 1999). Denne versjonen dukka opp igjen på eit sett med tittelen 'Guns Box: Attitude for Destruction.
Kjelder
endre- Denne artikkelen bygger på «Toys in the Attic (song)» frå Wikipedia på engelsk, den 8. mai 2023.
- Wikipedia på engelsk oppgav desse kjeldene:
- ↑ Gallucci, Michael (10. september 2014). «Topp 10 Joe Perry Aerosmith-riff». Ultimate Classic Rock. Henta 5. mai 2023.
- ↑ «De 20 sangene som kan representere Aerosmiths karriere». Society of Rock. Henta 5. mai 2023.