Sophie Monk

Sophie Charlene Akland Monk (fødd 14. desember 1979) er ein australsk songar og skodespelar. Ho var medlem av den kvinnelege popgruppa Bardot ei tid, og har sidan gjort solokarriere. Ho har òg spelt i filmar som Date Movie og Click.

Sophie Monk
Sophie Monk i april 2011
Fødd	14. desember 1979 (44 år)
Fødestad	London
Fødenamn	Sophie Charlene Akland Monk
Opphav	Australia, Storbritannia
Aktiv	1999 til i dag
Sjanger	Dansepop
Instrument	vokal
Plateselskap	Warner Music (2000–04)
Verka som	songar, låtskrivar, skodespelar

Biografi og karriere

Monk vart fødd i England, men flytta med familien til Gold Coast i Queensland i Australia. Den profesjonelle karrieren hennar innanfor musikk byrja i 1999 då ho svara på ein annonse der det vart søkt etter jenter med røynsle frå song og dans. Dette var rekruttering til den australske serien Popstars, eit program med mål å skape ei ny vellukka jentegruppe. Monk vart vald ut som medlem av gruppa, som fekk namnet Bardot. Kort tid etter at medlemmane i Bardot skilde lag, byrja Monk å arbeide for solokarrieren sin. I oktober 2002 gav ho ut sin fyrste solo-singel, Inside Outside, og i mai 2003 sitt fyrste solo album, Calendar Girl.

Sophie Monk har sidan etablert seg i Hollywood, sjølv om dei fleste av rollene hennar har vore forholdsvis små. I februar 2006 spelte ho den første rolla si i ein spelefilm, som ei flørtande og forførande jente i komedien Date Movie. I juni 2006 var ho aktuell med filmen Click, ei forteljing om ein universell fjernkontroll. Monk spelte ei lita rolle i denne filmen som Stacey, ein sekretær som er ein flørtande bimbo.

Diskografi

Album

• Calendar Girl (2003)

Singlar

• Inside Outside (2002)
• Get the Music On (2003)
• One Breath Away (2003)

Filmografi

• The Mystery of Natalie Wood (TV-film) (2004) ... Marilyn Monroe
• Pool Guys (TV-film) (2005) ... Janet
• London (2005) ... Lauren
• Date Movie (2006) ... Andy
• Click (2006) ... Stacey
• Entourage (TV-serie) (2007) ... Juliette
• Sex and Death 101 (2007) ... Cynthia Rose
• Spring Breakdown (2009) ... Mason
• The Hills Run Red (2009) ... Alexa
• Murder World (2010) ... Brooke
• Hard Breakers (2010) ... Lindsay Greene
• The Legend of Awesomest Maximus (2011) ... Princess Ellen
• Dorfman (2011) ... Vronka
• Spring Break '83 (2013) ... Brittany

Kjelder

• Denne artikkelen bygger på «Sophie Monk» frå Wikipedia på engelsk og «Sophie Monk» frå Wikipedia på bokmål, den 14. september 2009.

Bakgrunnsstoff

• www.sophiemonk.com.au
• Sophie Monk ved The Internet Movie Database (IMDb)