Sophie Wilmès
Sophie Wilmès (fødd 15. januar 1975 i Ixelles) er ein belgisk liberal politikar for Mouvement Réformateur som i oktober 2019 vart statsminister i Belgia etter Charles Michel. Ho vart dimed den fyrste kvinnelige føderale regjeringssjefen i Belgia. 1. oktober 2020 vart ho etterfølgd som statsminister av Alexander De Croo. Samstundes vart ho utanriksminister, også det som fyrste kvinne i Belgia.
| Sophie Wilmès | |||
 | |||
| Fødd | 15. januar 1975 (49 år) Ixelles | ||
|---|---|---|---|
| Statsborgar av | Belgia | ||
| Yrke | politikar, samfunnsøkonom | ||
| Utdanna ved | Institut des hautes études des communications sociales Université Saint-Louis - Bruxelles | ||
| Far | Philippe Wilmès | ||
| Ektefelle | Chris Stone | ||
| Alle verv |
| ||
Liv og virke
endreWilmès studerte marknadsføring ved Institut des Hautes Études des Communications sociales.[1] Ho arbeidde i eit konsulentfirma før ho gjekk inn i lokalpolitikken.[2]
Lokalpolitisk har Wilmès hatt verv i Uccle/Ukkel og Sint-Genesius-Rode og på provinsnivå i Flamsk Brabant.[1] Ho er medlem av det liberale partiet Mouvement Réformateur. Wilmès er tospråkleg.[3]
I 2014 vart Wilmès medlem av det belgiske representantkammeret.[1] Året etter, i 2015, var ho budsjett- og forvaltingsminister.[1]
Då Charles Michel trekte seg som statsminister i samband med at han fekk vervet som president for Det europeiske rådet, vart Wilmès utpeika til etterfølgjaren hans.[3] Ho vart den fyrste kvinnelege statsministeren i Belgia.[4] Regjeringa hennar var et forretningsministerium i påvente av danninga av ei koalisjonsregjering.[4] Den 1. oktober 2020 overtok Alexander De Croo som statsminister. Wilmès vart visestatsminister og utanriksminister i den nye regjeringa; den fyrste kvinna til å fylle utanriksministerposten i Belgia.[5][6]
Kjelder
endre- ↑ 1,0 1,1 1,2 1,3 «Biography – Sophie Wilmès» (på engelsk). Chancellery of the Prime Minister. 4. november 2014. Henta 9. november 2019.
- ↑ «Wie is Sophie Wilmès? De eerste vrouwelijke premier na amper vier jaar ministerschap». De Morgen. 27. oktober 2019. Henta 9. november 2019.
- ↑ 3,0 3,1 «De eerste vrouwelijke premier van België staat voor een ondankbare taak». De Morgen. 26. oktober 2019. Henta 9. november 2019.
- ↑ 4,0 4,1 «Belgium gets first female Prime Minister». vrtnws.be (på engelsk). 27. oktober 2019. Henta 9. november 2019.
- ↑ Strauss, Marine (1. oktober 2020). «Finally, a government after 652 days: New Belgian PM debuts at EU summit». Reuters (på engelsk). Henta 3. november 2020.
- ↑ «Meet the new Belgian government». vrtnws.be (på engelsk). 1. oktober 2020. Henta 3. november 2020.
- Denne artikkelen bygger på «Sophie Wilmès» frå Wikipedia på bokmål, den 8. mars 2023.
