Southend-on-Sea
Southend-on-Sea er ein kystby og sameint styresmakt i Essex i England. Han ligg på nordsida av Themsen, omkring 65 km austom London, og grensar mot Rochford i nord og Castle Point i vest.
|
Southend-on-Sea | ||
|---|---|---|
 | ||
| Plassering | ||
  | ||
| Styresmakter | ||
| Land |  Storbritannia
| |
| Konstituerande land |  England
| |
| Grevskap | Essex | |
| Distrikt | Sameint styresmakt | |
| Geografi | ||
| Flatevidd - By |
41,76 km² | |
| Innbyggjarar - By (2007) - folketettleik |
164 563 3 940,7 /km² | |
| Koordinatar | 51°32′N 0°42′E / 51.533°N 0.700°E | |
| Diverse annan informasjon | ||
| Nettstad: www.southend.gov.uk | ||
Namnet kjem av at byen opphavleg var den sørlege enden («south end») av landsbyen Prittlewell.
I viktoriansk tid vart staden, som hadde jernbanesamband med hovudstaden, populært som reisemål for londonarar. Turisme har sidan då vore den viktigaste næringa. Southend Piar er den lengste fornøyelsespiren i verda, 2185 meter lang.
I 1960-åra kom ei nedgangstid for britiske kystbyar, først og fremst på grunn av at mange tok billige charterturar framfor å feriere i heimlandet. Southend måtte finne nye inntektskjelder og det vart oppretta ei rekkje handelsbedrifter. Mykje av det viktorianske preget forsvann i denne tida. Byen har færre underhaldningstilbod enn andre engelske byar av same storleik, noko som truleg skuldast at ein stor del av den yrkesaktive folkesetnaden pendlar til London og difor oppsøkjer kulturelle attraksjonar der i staden.
HM's Revenue and Customs er ein av dei største arbeidsgjevarane i byen. University of Essex har eit kollegium i byen, South East Essex College.
Kjelder
endre- Denne artikkelen bygger på «Southend-on-Sea» frå Wikipedia på bokmål, den 9. juli 2011.