Sunnmørsbadet
Sunnmørsbadet er eit badeanlegg i Fosnavåg på Sunnmøre, opna i mars 2015. Anlegget er på 6400 kvadratmeter fordelt på totalt fem basseng.[1] Badeanlegget hadde 100 000 vitjande i 2017.[2]
Sunnmørsbadet har utgangspunkt i Herøy Fritidsbad som opna i 2004.[3] Behov for renovering av det gamle badeanlegget la grunnlag for planar om å utvida badeanlegget til å verta eitt regionalt anlegg.[1] Totalkostnaden enda på 243 millionar kroner og ei budsjettoverskriding på 63 millionar kroner.[4] Trass i dette kunne Sunnmørsbadet melda om overskot allereie i første driftsår.[5] I 2018 vart Sunnmørsbadet òg nominert til Dagens Næringsliv sin Årets gasellebedrift-pris.[6]
Herøy kommune, Herøy Sanitetsforening, Herøy Revmatikerforening, Olympic Shipping og Havila AS er eigarar av Sunnmørsbadet og drifta skjer utan offentleg støtte.[1][2]
Referansar
endre- ↑ 1,0 1,1 1,2 «Sunnmørsbadet», www.sunnmorsbadet.no (på norsk), henta 19. februar 2019
- ↑ 2,0 2,1 Flatval, Jann (20. juni 2018), «Sunnmørsbadet heldt koken i 2017», vestlandsnytt.no (på norsk bokmål), henta 19. februar 2019
- ↑ Myren, Torill (24. januar 2013), «Badelandstart om tre veker», smp.no, henta 19. februar 2019
- ↑ Høyberg, Lena Stette (12. mars 2015), «Endeleg fekk borna boltre seg i rådyre Sunnmørsbadet», NRK (på norsk bokmål), henta 19. februar 2019
- ↑ Tomasgard, Anne-Mari (28. juni 2016), «Sunnmørsbadet gjekk i pluss», smp.no, henta 19. februar 2019
- ↑ Spiro, Josefine (12. oktober 2018), «Er gaselle-bedrift i 2018», vestlandsnytt.no (på norsk bokmål), henta 19. februar 2019
